জলচৰ জীৱ | অধ্যায় ১২ | Chapter 12 | Class 3 Environment Sankardev, School Questions and Answer | তৃতীয় শ্ৰেণী ভাৰতী পৰিৱেশ পৰিচয় শংকৰদেৱৰ প্ৰশ্ন উত্তৰ
অধ্যায় ১২
জলচৰ জীৱ
যিবিলাক উদ্ভিদ আৰু প্রাণী জলাশয় বা সাগৰ-মহাসাগৰত বাস কৰে সিবােৰক জলচৰ বােলা হয়। পানীত গজা কেইবিধমান উদ্ভিদ হ’ল— মেটেকা, পুণী, কলমৌ, হাইড্রিলা, ভেঁট ফুল, পদুম ফুল ইত্যাদি। পানীত বাস কৰা প্ৰাণীৰ ভিতৰত বিভিন্ন প্রজাতিৰ মাছ যেনে — ৰৌ, বৰালি, মাগুৰ, শ’ল, পুঠি, গৰৈ, শিঙি ইত্যাদি। ইয়াৰ উপৰিও ভেঁকুলী, সাপ, জোক, মাছখােৱা উদ, শামুক ইত্যাদি সততে দেখা জলচৰ প্রাণী। সাগৰ-মহাসাগৰৰ লুণীয়া পানীত ক্রমে ডলফিন বা শিহু , তিমিমাছ , নানা প্রজাতিৰ মাছ , ছীল সিন্ধুঘোটক ইত্যাদি পােৱা যায়।
১। জলচৰ কাক বোলে?
উত্তৰঃ যিবিলাক উদ্ভিদ আৰু প্ৰাণী জলাশয় বা সাগৰ-মহাসাগৰত বাস কৰে সিবোৰক জলচৰ বোলা হয়।
২। পানীত গজা কেইবিধমান উদ্ভিদৰ নাম লিখা।
উত্তৰঃ পানীত গজা কেইবিধমান উদ্ভিদৰ নাম হ'ল- মেটেকা, পুণী, কলমৌ, হাইড্ৰিলা, ভেঁট ফুল ইত্যাদি।
৩। পানীত বাস কৰা কেইবিধমান জীৱৰ নাম লিখা।
উত্তৰঃ পানীত বাস কৰা কেইবিধমান জীৱৰ নাম হ'ল - ৰৌ, বৰালি, মাগুৰ, পুঠি, শিঙি আদি।
৪। সাগৰৰ লুণীয়া পানীত বাস কৰা প্ৰাণীবোৰৰ নাম লিখা।
উত্তৰঃ সাগৰৰ লুণীয়া পানীত বাস কৰা প্ৰাণীবোৰৰ নাম হ'ল- ডলফিন বা শিহু, তিমিমাছ, নানা প্ৰজাতিৰ মাছ, ছীল, সিন্ধুঘোটক ইত্যাদি।
Answer by - Punya Hazarika
Type Sumit Patar,
Post ID : DABP006058
