Class 4 Assamese
অংকুৰণ
চতুৰ্থ শ্ৰেণীৰ অংকুৰণ কিতাপ খনৰ প্ৰশ্ন আৰু উত্তৰ
দীঘল ঠেঙীয়া
উত্তৰ লিখা।
(ক) যিটো গৰুৱে গাত হাত দিলেই জঁপিয়াই উঠিব, সেইটোৱেই নিশ্চয় চেঙা আৰু ভাল হ'ব। এই কথাষাৰ কোনে ভাবিছিল ?
উত্তৰঃ- এই কথাষাৰ গৰু চুৰে ভাবিছিল।
(খ) এইটো বৰ কাটন গৰু,ইয়াকে নিব লাগিল’ —এইদৰে কোনে ভাবিছিল?
উত্তৰঃ- এইবুলি গৰু চুৰে ভাবিছিল।
(গ) ‘এ প্রভু, দীঘল - ঠেঙীয়াই নেপায় যেন। এই কথাষাৰ কোনে কৈছিল?
উত্তৰঃ- এই কথাষাৰ বুঢ়ীয়ে কৈছিল।
(ঘ) “ আমাকো পেঁপা - কঢ়াই পালে। —কোনে, কেতিয়া কৈছিল?
উত্তৰঃ- এই কথাষাৰ বাঘবোৰে ভাবিছিল। যেতিয়া সিঁহত আটাইবোৰ মাটিত ঠলঠলকৈ বাগৰি পৰিছিল।
‘ই কম গৰু নহয়, ইয়াৰ পিঠিত নুঠিলে ইয়াক লৈ যাব নােৱাৰিম ।'প্রকৃততে কাৰ পিঠিত কোন উঠিব খুজিছিল লিখা।
উত্তৰঃ- প্ৰকৃততে গৰু চুৰে বাঘৰ পিঠিত উঠিবলৈ বিচাৰিছিল।
বাঘটোৱে চোৰটোকে দীঘল-ঠেঙীয়া বুলি ভাবিছিল। দীঘল-ঠেঙীয়া বুলি ভবাৰ উপৰি আৰু কি কি বুলি ভাবিছিল?
উত্তৰঃ- (ক) দীঘল -ঠেঙীয়া
(খ) পেপাঁ-কঢ়া
(গ) ঘাৰ-মোকোটা
উত্তৰ দিয়া।
(ক) বুঢ়ীয়ে দীঘল-ঠেঙীয়া বুলি কাক বুজাইছিল?
উত্তৰঃ- বুঢ়ীয়ে দীঘল-ঠেঙীয়া বুলি বৰষুণক বুজাইছিল।
(খ) বাঘবােৰে কি কৌশলেৰে চোৰটোক ধৰিবলৈ চেষ্টা কৰিছিল?
উত্তৰঃ- বাঘবােৰে ইটোৰ পিঠিত আনটো উঠি চোৰটোক ধৰিবলৈ চেষ্টা কৰিছিল।
(গ) চোৰটোৱে অৱশেষত কেনেকৈ বাঘবােৰৰ হাতৰ পৰা ৰক্ষা পালে?
উত্তৰঃ- চোৰটোৱে অৱশেষত এটা বুদ্ধি পাঙিলে । চোৰে একেবাৰে তলত থকা নেগুৰখঁৰা বাঘটোক গলগলীয়া মাতেৰে মাত লগালে , খঁৰা, চাবি, চাবি, চাবি। খঁৰা বাঘে ভাবিলে, আকৌ পেঁপা কঢ়াই আনবোৰক এৰি মোকহে ধৰে নেকি? ইয়াকে ভাবি সি সুৰ্তি-বুদ্ধি হেৰুৱাই হাবিৰ ফালে লৰ ধৰিলে। সি তেনে কৰাৰ বাবে তাৰ পিঠিত উঠি থকা আটাইবোৰ বাঘ ঠল ঠলকৈ মাটিত পৰিলে। সিহঁতেও আমাকো পেঁপা-কঢ়াই পালে বুলি ভাবি বৰকৈ ভয় খাই তৰা-নৰা ছিঙি ল'ৰি হাবিলৈ পলাই গ'ল। এইদৰে চোৰটোৱে বাঘবোৰৰ পৰা ৰক্ষা পালে।
(ঘ) চোৰটোৱে ঘৰলৈ আহি কি সিদ্ধান্ত ল'লে?
উত্তৰঃ- চোৰটোৱে ঘৰলৈ আহি আৰু চোৰ নকৰো বুলি শপত ললে ।
তলৰ শব্দসমূহৰ লগত অর্থৰ মিল থকা শব্দ বাকচৰ পৰা লৈ খালী ঘৰত লিখো আহা
উত্তৰঃ-
চাং - বাহঁৰ বিছনা।
চেঙা - তজবজীয়া
ততমত - চেতনা
খৰাঁ - নেজখৰাঁ
অসহনীয় - সহিবনোৱাৰা
গভীৰ - বহুতললৈ, বিস্তৃত
কাটন - চোকা
গলধন - ডিঙিৰ পাছফালে।
যুক্তাক্ষৰ গঠন কৰা।
জ্ৰ জ +ৰ = জ্ৰ
ন্ধ ন + ধ = ন্ধ
শ্চ শ + চ = শ্চ
ণ্ড ণ + ড = ণ্ড ।
বিপৰীত অৰ্থ বুজোৱা শব্দ লিখা।
দীঘল - চুটি
আন্ধাৰ - পোহৰ
পুৰণি - নতুন
অসহায় - সহায়
বলী - দুৰ্বল
ৰাতি - দিন
গভীৰ - অগভীৰ
বাক্য় ৰচনা কৰা।
(ক) চেঙা (গাত হাত দিবলৈ নিদিয়া অস্থিৰ তজবজীয়া জন্তু)- হৰি কাইৰ গৰুটো বৰ চেঙা গৰু।
(খ) চেঙা (তপত, যেনে-চেঙা তেল)- কেঁচুৱাটোৰ চৰ্দি লাগিছে, তাক অলপ চেঙা তেল দি মালিচ কৰি দিয়া।
(গ) চেঙা (এবিধ মাছ)- চেঙা মাছটো পুৰি খাবলৈ বুলি থৈ দিছো।
(ঘ) চেঙালুটি (চেঙা মাছৰ দৰে কৰা লুটিয়া-লুটি, বেদনাত কৰা ধৰফৰ)- ৰীতাৰ ভৰিখন কটা যোৱাত তাই চেঙালুটি মাৰিছে।
(ঙ) চেঙা-হিলৈ (আহোম ৰজাৰ দিনৰ এবিধ বন্দুক- আহোমৰ সেনাসকল চেঙা-হিলৈ মৰাত পাকৈত আছিল।
