Chapter 1
নিয়ৰ
মুকুতা মণিটি পাহিত জিলিকে
ফটিক পানীত ধোৱা,
নিশাৰ তৰা এটি সৰিয়েহে আছে
সৰগত টোপনি যোৱা।
নিজম আকাশৰ নিচুক কথাটি
হিয়াত থৈছে সাঁচি,
কোন কাহানিৰ সপোন দেখিছে
কোনে হাঁহিছিল নাচি।
ফুলনিত কোনে নিশা নাচিছিল
ছিগি ৰৈ গ'ল মণি,
ৰঙ্গিলীৰ ভাব হাঁহি নাচোনৰ
ৰ'ল চিন এইকণি,
পুৱাৰ হেঙুলি বেলিটিলৈ চাই
এটুপি চকু পানী।
নিয়ৰ কলিৰে শোভে ফুল জুপি
চাইছো ভাবতে ভাহি,
হায় কি বিষম পেলালে বায়ুৱে
জোকাৰি ফুলৰ পাহি।
কবি- চন্দ্ৰকুমাৰ আগৰৱালা
২। উত্তৰ দিয়া।
(ক) মুকুতা মণিটি বুলি কবিয়ে কিহক বুজাইছে?
উত্তৰঃ মুকুতা মণিটি বুলি কবিয়ে নিয়ৰ টোপালক বুজাইছে।
(খ) নিয়ৰক কবিয়ে কাৰ কাৰ লগত তুলনা কৰিছে?
উত্তৰঃ নিয়ৰক কবিয়ে নিশাৰ তৰা আৰু মুকুটা মণিৰ লগত তুলনা কৰিছে।
(গ) নিয়ৰে হিয়াত কি সাঁচি থোৱাৰ কথা কৈছে?
উত্তৰঃ নিয়ৰে নিজম আকাশৰ নিচুক কথাটি হিয়াত সাঁচি থোৱাৰ কথা কৈছে।
(ঘ) ফুলনিত কি ছিগি ৰৈ গ'ল?
উত্তৰঃ ফুলনিত নিশা নাচা নাচনীৰ ডিঙিৰ মণি ছিগি ৰৈ গ'ল।
(ঙ) কবিয়ে কি সৰি থকাৰ কথা কৈছে?
উত্তৰঃ কবিয়ে নিশাৰ তৰা এটি নিয়ৰ হৈ সৰি থকাৰ কথা কৈছে।
৩। কবিতাটোৰ মূলভাব চমুকৈ লিখা।
উত্তৰঃ প্ৰতিমাৰ খনিকৰ কবি চন্দ্ৰকুমাৰ আগৰৱালা দেৱৰ দ্বাৰা ৰচিত 'নিয়ৰ' এটা ৰোমান্তিক
কবিতা। কবিতাটিত কবিয়ে প্ৰকৃতিৰ উপাদান 'নিয়ৰ' ক বিষয়বস্তু হিচাপে লৈ কল্পনাৰ ৰহন
সানি সুন্দৰ ভাৱে উপস্থাপন কৰিছে।
প্ৰকৃতিৰ ৰূপ বৈচিত্ৰ্যই মানুহৰ মনলৈ কঢ়িয়াই আনে অনাবিল সুখ। প্ৰতিটো পুৱাই আমাৰ
অজানিতে দি যায় আশাৰ বতৰা। এই বৰ্ণময় বাৰ্তাৰ অন্যতম বাহক হল-'নিয়ৰ'। মুকুতা
সদৃশ নিয়ৰ কণাবোৰ ঘাঁহ বনৰ ওপৰত কাহিলি পুৱাতে জিলিকি থকা দেখিলে আমাৰ মনলৈ
নানা ভাৱ অহাটোৱেই স্বাভাৱিক। কবিয়ে 'নিয়ৰ' ক নিশাৰ আকাশৰ পৰা সৰি পৰা তৰা,
নিত্যৰতা পৃথিৱীৰ ডিঙিৰ পৰা ছিগি পৰা একোটা মণি অথবা পুৱাৰ পোহৰত সেমেকি উঠা
এটোপাল চকুপানীৰ লগত তুলনা কৰিছে।
৪। শব্দ-সম্ভাৰ আৰু অভিধান চাই তলৰ শব্দবোৰৰ অৰ্থ লিখা।
উত্তৰঃ
শব্দ অৰ্থ
ফটিক স্বচ্ছ, নিৰ্মল, পৰিস্কাৰ।
শোভে শুৱনি কৰি তোলা
হেঙুলি হেঙুল বৰণীয়া
নিজম নীৰৱ
নিচুক কান্দোন সামৰি স্থিৰ হ
৫। প্ৰসংগ সংগতি দৰ্শাই ব্যাখ্যা কৰা।
''নিজম আকাশৰ নিচুক কথাটি
হিয়াত থৈছে সাঁচি,
কোন কাহানিৰ সপোন দেখিছে
কোনে হাঁহিছিল নাচি।''
উত্তৰঃ “নিজম আকাশৰ নিচুক কথাটি
হিয়াত থৈছে সাঁচি,
কোন কাহানিৰ সপোন দেখিছে
কোনে হাঁহিছিল নাচি”।
উক্ত কবিতাফাঁকি আমাৰ পাঠৰ অন্তৰ্গত প্ৰতিমাৰ খনিকৰ কবি চন্দ্ৰকুমাৰ আগৰৱালা
দেৱৰ দ্বাৰা ৰচিত 'নিয়ৰ' নামৰ কবিতাটিৰ পৰা তুলি দিয়া হৈছে।
ৰাতিপুৱা ফুলৰ পাহিত পৰি থকা নিয়ৰ তুপালক নিশাৰ আকাশৰ পৰা সৰি পৰা তৰা ৰূপত
কবিয়ে কল্পনা কৰিছে, সেই প্ৰসংগত উক্ত কবিতা ফাকি তুলি দিয়া হৈছে।
প্ৰকৃতিৰ ৰূপ-বৈচিত্ৰ্য়ই মানুহৰ মনলৈ কঢ়িয়াই আনে। প্ৰতিটো পুৱাই আমাৰ অজানিতে
দি যায় আশাৰ বতৰা। এই বৰ্ণময় বাৰ্তাৰ অন্য়তম বাহক হ'ল 'নিয়ৰ'। মুকুতা নিয়ৰ
তুপালবোৰ কবিৰ মনত যে আকাশৰ পৰা সৰি অহা তৰাহে। নি শব্দৰ আকাশৰ নিচুক কথা
হিয়াত সাঁচি ৰক্ষা তৰাটীয়ে যেন সৰগত টোপনিতে সপোন দেখীছে। সেই সপোনত হাঁহি
হাঁহি নৃত্য় কৰোতে যেন মণি ছিগি ৰৈ গ'ল।
৬। পাঠৰ পৰা অন্ত্য মিল থকা শব্দৰবোৰ লিখা ।
উদাহৰণ- ধোৱা-যোৱা
উত্তৰঃ
সাঁচি - নাচি
মনি - কণি
ভাহি - পাহি
৭। উল্লিখিত শব্দবোৰৰ সমাৰ্থক শব্দ লিখা।
উত্তৰঃ
টোপনি ---নিদ্ৰা, ঘুমতি
বেলি - - - সূৰ্য্য, ৰবি
পানী - - -জল, নিৰ
ফুল ---পুষ্প, সুমন
নিশা - - - ৰাতি, ৰজনী
সপোণ - - - সামাজিক, স্বপ্ন
আকাশ- - - গগণ, অম্বৰ
চকু ---নয়ন, নেত্ৰ
৮। বিপৰীত অৰ্থ শব্দ লিখা ।
উত্তৰঃ
ছিগা - - - জোৰা
পুৱা - - - গধূলি
নিজম - - - কোলাহল
সৰগ--- নৰক
দিন - - - ৰাতি
হাঁহি - - - কান্দোন
৯। বাক্য ৰচনা কৰা ।
উত্তৰঃ
মুকুতাঃ ৰ'দৰ পোহৰত নিয়ৰক মুকুতা মণিৰ নিচিনা লাগে।
পাহিঃ গোলাপ ফুলৰ পাহিবোৰ ধুনীয়াকৈ সৰি আছে।
শোভেঃ গোলাপ ফুলে গোটেই বাগিচাখনত শোভে।
নিচুকঃ নিয়ৰে নিজম আকাশৰ নিচুক কথাটি হৃদয়ত সাচি থৈছিল।
ফুলজুপিঃ ফুলজুপিত নিয়ৰৰ টোপালবোৰ ধুনীয়াকৈ জিলিকি আছিল।
ফটিকঃ নৈখনৰ ফটিক পানীত পদুমফুলবোৰ ধুনীয়াকৈ ফুলি আছে।
জানাে আহাঃ
মুকুতা মণিটি পাহিত জিলিকে
ফটিক পানীত ধােৱা,
নিশাৰ তৰা এটি সৰিয়েহে আছে ।
সৰগত টোপনি যােৱা ।
ওপৰৰ পদ্যফাকিত থকা মুকুতা , মণি , ফটিক , পানী , নিশা, সৰগ আদি শব্দকেইটি
মূলত সংস্কৃত ভাষাৰ পৰা অহা । তাৰে ভিতৰত মণি আৰু নিশা শব্দ দুটিৰ ৰূপ অলপাে
সালসলনি নােহােৱাকে সংস্কৃতৰ দৰে হুবহু একে আছে . কিন্তু মুকুতা, ফটিক, তৰা,
সৰগ আদি শব্দ সংস্কৃত মূল ৰূপ মুক্তা, স্ফটিক, তাৰা, স্বর্গ আদি শব্দবােৰ অলপ সলনি হৈ
অসমীয়া ভাষাত ব্যৱহাৰ হৈছে। এনেধৰণৰ অনেক সংস্কৃত শব্দ অসমীয়া ভাষাত আছে।
সংস্কৃতমূলীয়া শব্দবােৰক প্ৰধানকৈ তিনিটা ভাগত ভগোৱা হয়। সেই ভাগ তিনিটা হল –
(১) তৎসম (2) অর্ধতৎসম আৰু (৩) তদ্ভৱ ।
(১) তৎসমঃ যিবােৰ সংস্কৃত শব্দ পােনে পােনে আহি অসমীয়া ভাষাত প্ৰৱেশ কৰিছে,
সেইবােৰক তৎসম শব্দ বােলা হয় । তৎসম শব্দৰ ৰূপ ( বানান) এতিয়াও সংস্কৃতৰ দৰে
আছে যদিও অসমীয়াত সেইবােৰৰ উচ্চাৰণ কিছু সলনি হৈছে ।
তৎসম শব্দৰ উদাহৰণ —
অর্ধতৎসম শব্দৰ উদাহৰণ —
(৩) তদ্ভৱঃ যিবােৰ সংস্কৃত শব্দ পােনে পােনে অসমীয়া ভাষাত ব্যৱহাৰ নহৈ পালি, প্রাকৃত
আদিৰ মাজেৰে ৰূপ সলনি হৈ আহি অসমীয়া ভাষাত সােমাইছে , সেইবােৰক
তদ্ভৱ শব্দ বুলি কোৱা হয়।
তদ্ভৱ শব্দৰ উদাহৰণ —
সংস্কৃত ৰূপ | অসমীয়া তদ্ভৱ ৰূপ |
কর্ম | কাম |
হস্ত | হাত |
সর্প | সাপ |
কর্ণ | কাণ |
অদ্য | আজি |
দন্ত | দাত |
ইংৰাজী শব্দ | অসমীয়া ৰূপ |
স্কুল | স্কুল |
ইঞ্জিন | ইঞ্জিন |
ডক্তৰ | ডাক্তৰ |
গ্লাচ | গিলাচ |
জেইল | জেল |
গোডাউন | গুদাম |
বক্স | বাকচ |
কিছুমান ইংৰাজী শব্দৰ লগত অসমীয়া শব্দ যােগ কৰি আৰু কেতিয়াবা ইংৰাজী শব্দৰ
লগত অসমীয়া প্রত্যয় যােগ কৰিও নতুন শব্দ গঠন কৰা হয় । এনেবােৰ শব্দক মিশ্র
শব্দ বােলা হয় ।
উদাহৰণ —
ইংৰাজী শব্দ + অসমীয়া শব্দ ⇒ অসমীয়া ৰূপ
হেড + পণ্ডিত ⇒ হেডপণ্ডিত
মটৰ + গাড়ী ⇒ মটৰগাড়ী ।
ডাক্তৰ + খানা ⇒ ডাক্তৰখানা
ভােট + অধিকাৰ ⇒ ভােটাধিকাৰ
ইংৰাজী শব্দ + অসমীয়া প্রত্যয় ⇒ অসমীয়া ৰূপ
স্কুল + ঈয়া ⇒ স্কুলীয়া
কলেজ + ঈয়া ⇒ কলেজীয়া
মাষ্টৰ + অনী ⇒ মাষ্টৰনী
ডাক্তৰ + অনী ⇒ ডাক্তৰনী
১০ । 'নিয়ৰ' কবিতাটিত থকা তৎসম আৰু তদ্ভব শব্দবােৰ বাছি উলিয়াই লিখা । তুমি
জনা তৎসম আৰু তদ্ভব শব্দবােৰৰ এখন তালিকা প্রস্তুত কৰা ।
উত্তৰঃ
তৎসম - - - - - - - - - - তদ্ভৱ
মুক্তা - - - - - - - - - - - -মুকুতা
স্ফটিক - - - - - - - - --- ফটিক
তাৰা - - - - - - - - - - - --তৰা
স্বৰ্গ-------------------সৰগ
মণি - - - - - - - - - - - -- মনি
১১ । দৈনন্দিন জীৱনত বিভিন্ন ক্ষেত্ৰত তুমি ব্যৱহাৰ কৰা ইংৰাজী শব্দবােৰ ভাগে ভাগে লিখা ।
শিক্ষা সম্বন্ধীয় ⇒ স্কেল
খেল সম্বন্ধীয় ⇒ ক্রিকেট
যানবাহন ⇒ স্কুটাৰ
পােছাক-পাতি ⇒ ফ্রক
আচবাব ⇒ টেবুল
বাচন - বৰ্তন ⇒কাপ
উত্তৰঃ বাকীবোৰ তোমালোকে চেষ্টা কৰা।
১২ । এটা শব্দত প্ৰকাশ কৰা ।
( ক ) যি আনৰ উন্নতি দেখিব নােৱাৰে ।
( খ ) একে মাকৰ সন্তান
( গ ) যাৰ ঘৰ - বাৰী নাই
( ঘ ) যিজনে ভাল - বেয়া বিচাৰ কৰিব নােৱাৰে
( ঙ ) যি আগেয়ে হােৱা নাই
উত্তৰঃ
ক) যি আনৰ উন্নতি দেখিব নোৱাৰে ⇒চকুচৰহা বা পৰশ্ৰীকাতৰ বা হিংসাকুৰীয়া
খ) একে মাকৰ সন্তান ⇒ সহোদৰ
গ) যাৰ ঘৰ বাৰী নাই ⇒ অঘৰী
ঘ) যিজনে ভাল বেয়া বিচাৰ কৰিব নোৱাৰে ⇒ অবিবেচক
ঙ) যি আগেয়ে হোৱা নাই ⇒অভূতপূৰ্ব
১৩ । 'নিয়ৰ’ কবিতাটিত পােৱা তৰা, আকাশ, পানী, কথা, হিয়া, সপােন, চকু আদি
শব্দ যুক্ত হৈ গঠিত খণ্ডবাক্যবােৰেৰে বাক্য ৰচনা কৰা ।
তৰা-নৰা ছিঙি - (বৰকৈ বেগাই , ইমান বেগাই যে উজুটিত বন আদি ছিঙি যায় )
আকাশত চাং পতা - (অস্বাভাৱিক কল্পনা কৰা)
পানী তলৰ কাঁইট - (নেদেখা বিপদ, অজ্ঞাত শত্রু)
কথা চহকী - (বেছিকৈ কথা কোৱা লােক)
হিয়াৰ আমঠু - (অতি আদৰৰ)
অলীক সপােন - (অমূলক কল্পনা)
চকু চৰহা - (লােকৰ ভাল দেখিব নােৱৰা)
উত্তৰঃ
তৰা-নৰা ছিঙিঃ (বৰকৈ বেগাই) = খুৰাকৰ মৃত্য়ুৰ খবৰটো পাই পল তৰা-নৰা ছিঙি ঘৰলৈ আহিল।
আকাশত চাং পতাঃ (অস্বাভাৱিক কল্পনা কৰা) = আকাশত চাং পতা মানুহে উন্নতি কৰিব নোৱাৰে।
পানীৰ তলৰ কাঁইটঃ (নেদেখা বিপদ, অজ্ঞাত শত্ৰু) =ৰমেনে জনাই নাছিল যে বন্ধুৰ বেশেৰে তাৰ ঘৰতেই পানীৰ তলৰ কাঁইট লুকাই আছিল।
কথা চহকীঃ (বেছিকৈ কথা কোৱা লোক) = অভিনাশ গোটেই শ্ৰেণীটোৰ ভিতৰতে কথা চহকী।
হিয়াৰ আমঠুঃ (অতি আদৰৰ) = প্ৰত্য়েক সন্তানেই নিজৰ মাক-দেউতাকৰ হিয়াৰ আমঠু।
অলীক সপোনঃ (অমূলক কল্পনা) = অলীক সপোন দেখি সময় নষ্ট কৰিব নালাগে।
চকু- চৰহাঃ (লোকৰ ভাল দেখিব নোৱাৰা) = চকু- চৰহা লোক সকলোৱে অপ্ৰিয় হয়।
জানাে আহাঃ
ফুলনিত কোনে নিশা নাচিছিল
ছিগি ৰৈ গ'ল মণি,
ছিগিঃ আপােনা-আপুনি ছিগি যােৱা। আনে ইচ্ছা বা জোৰ কৰি ছিঙি থৈ যােৱা নহয়।
ছিঙিঃ দুই বা অধিক খণ্ড বা টুকুৰা কৰি বেলেগ কৰা। যেনে- কেচুঁৱাটোৱে মাকৰ ডিঙিৰ
মালাধাৰী ছিঙি পেলালে। ঠিক তেনেদৰে
ভাগিৰ অৰ্থ আপােনা-আপুনি ভাগি যােৱা আৰু
ভাঙি মানে অইন কাৰক বা আনে ডােখৰ ডােখৰ কৰা।
যেনে-
(ক) ভাগি গ'ল বীণ খনি ছিগি গ'ল তাঁৰ,
ৰই গ'ল অৱশেষ অমিয়া জোঁকাৰ।
(খ) “ভাঙ্ ভাঙ্ ভাঙ্ ভাঙ্
লােহাৰ শিকলি ভাঙ।
ছিঙ্ ছিঙ্ ছিঙ্ ছিঙ্
দাসৰ বান্ধোন ছিঙ্।
১৪ । তলৰ বাক্যকেইটিৰ খালী ঠাইত অর্থৰ লগত সংগতি ৰাখি ভাগি, ভাঙি, ছিগি,
ছিঙি বহুৱাই পূৰ কৰা।
(ক) মেৰামতি নকৰা বাবে জহি - খহি ঘৰটো গ'ল।
(খ) ধুমুহাই ঘৰটো পেলালে।
(গ) পুৰণি হােৱা বাবে ৰছীডাল থাকিল।
(ঘ) জোৰকৈ টনা - আজোৰা কৰা বাবে ৰছীডাল গ'ল।
(ঙ) এবছৰ নৌহওঁতেই মথাউৰিটো গ'ল।
(চ) বানপানীয়ে মথাউৰিটো পেলালে।
উত্তৰঃ
ক) মেৰামতি নকৰা বাবে জহি- খহি ঘৰটো ভাগি গল।
খ) ধুমুহাই ঘৰটো ভাঙি পেলালে।
গ) পুৰণা হোৱা বাবে ৰছিডাল ছিগি থাকিল।
ঘ) জোৰকৈ টনা আজোৰা কৰা বাবে ৰছিডাল ছিঙি গল।
ঙ) এবছৰ নৌহওঁতেই মথাউৰিটো ছিগি গল।
চ) বানপানীয়ে মথাউৰিটো ছিঙি পেলালে।
গ — জ্ঞান সম্প্রসাৰণ
১৫। দলত বহি নিজৰ নিজৰ অভিজ্ঞতাৰ কথা কোৱা আৰু লগৰীয়াৰ অভিজ্ঞতাৰ
কথা শুনা।
(ক) পুৱা খালী ভৰিৰে নিয়ৰসিক্ত দূবৰি গচকি পােৱা অনুভূতি
উত্তৰঃ তোমালোকে পুৱা খালী ভৰিৰে নিয়ৰসিক্ত দূবৰি গচকি পােৱা অনুভূতি বিষয়ে নিজে
লিখিবলৈ চেষ্টা কৰাঁ।
(খ) পদুম, কচু বা অন্যান্য গছৰ পাতত তিবিৰাই থকা নিয়ৰৰ টোপাল দেখি মনত
জাগি উঠা অনুভৱ
উত্তৰঃ তোমালোকে পদুম, কচু বা অন্যান্য গছৰ পাতত তিবিৰাই থকা নিয়ৰৰ টোপাল দেখি
মনত জাগি অনুভৱৰ বিষয়ে নিজে লিখিবলৈ চেষ্টা কৰা।
(গ) গছৰ পাতৰ পৰা টোপা টোপে নিয়ৰ সৰা দেখি কৰা কল্পনাবােৰ
উত্তৰঃ তোমালোকে গছৰ পাতৰ পৰা টোপা টোপে নিয়ৰ সৰা দেখি কৰা কল্পনাবােৰ নিজে
লিখিবলৈ চেষ্টা কৰা।
জানাে আহা ঃ
নিয়ৰ জাৰকালি আকাশৰ বায়ু চেঁচা হৈ তাত থকা জলীয়বাষ্প গােট মাৰি সৰু সৰু পানীৰ।
কণিকাৰূপে ঘাঁহ-বনত লাগি ৰয়। এয়াই নিয়ৰ।
নিয়ৰ-ভঙা------ নিয়ৰ-ভঙা মানে জন্তুৰ আগ-চেউৰাৰ সন্মুখৰ ডিঙিৰ তলৰ ভাগ। আন এটি
অর্থ হল-দৰাৰে সৈতে ৰাতি নিয়ৰ গছকি কন্যাৰ ঘৰলৈ যােৱা কাৰ্য। যেনে- নিয়ৰ-ভঙাৰ
লাৰু, নিয়ৰ-ভঙাৰ তামােল-পাণ ইত্যাদি।
১৬। সাঁথৰ ভাঙা।
(ক) মৌ-মাখি নহয় কিন্তু
কৰে গুণ্ গুণ্
বামুণ নহয় কিন্তু
কান্ধত লগুণ।
উত্তৰঃ যঁতৰ।
(খ) ৰজাৰ ঘৰৰ হাতী
ধান খায় পাচি পাচি।
উত্তৰঃ ঢেকী।
(গ) ৰজাৰ কাপােৰ তিয়াব পাৰি,
শুকুৱাব নােৱাৰি।
উত্তৰঃ জিভা
ঘ ----- প্রকল্প
১৭। চন্দ্ৰকুমাৰ আগৰৱালাৰ কবিতা সংগ্রহ কৰি শ্ৰেণীকোঠাত আবৃত্তি কৰা।
১৮। সকলােৱে মিলি অসমীয়া ভাষাত থকা তৎসম আৰু অর্ধতৎসম শব্দৰ এখন
তালিকা কৰি শ্ৰেণীকোঠাত ওলােমাই থােৱা।
👉Click Here Might Learn
-------------------------------
