Class 10 Assamese
Lesson 13
পাৰস্যত এভুমুকি
ভাব-বিষয়কঃ
১। চমুকৈ উত্তৰ দিয়াঃ
(ক) লেখকে উল্লেখ কৰা মতে তেওঁলোকৰ ৰিগটো ক'ত অৱস্থিত?
উত্তৰঃ- লেখকে উল্লেখ কৰা মতে তেওঁলোকৰ ৰিগটো পাৰস্য় উপসাগৰত অৱস্থিত।
(খ) বুশ্বেৰ কি?
উত্তৰঃ- বুশ্বেৰ হৈছে পাৰস্য় উপসাগৰৰ পাৰৰ এখন বন্দৰ নগৰী।
(গ) বুশ্বেৰত হেলিকপ্টাৰৰ পৰা নমাৰ সময়ত লেখকৰ লগত কোন কোন আছিল?
উত্তৰঃ- বুশ্বেৰত হেলিকপ্টাৰৰ পৰা নমাৰ সময়ত লেখকৰ লগত মেহদি আৰু ঘাছেম নামৰ দুজন ইৰাণী যুৱক আছিল।
(ঘ) বুশ্বেৰ বিমান বন্দৰটোক কিয় গুৰুত্বপূৰ্ণ বুলিছে?
উত্তৰঃ- বুশ্বেৰ বিমান বন্দৰটো ইৰাণৰ এটা সামৰিক ঘাটি হোৱাৰ লগতে তাত এটা নিউক্লীয় ৰিয়েক্টৰ থকাৰ বাবে গুৰুত্বপূৰ্ণ বুলিছে।
(ঙ) লেখকে বুশ্বেৰত কি আছে বুলি শুনিছে?
উত্তৰঃ- লেখকে বুশ্বেৰত এটা নিউক্লীয় ৰিয়েক্টৰ আছে বুলি শুনিছে।
(চ) মেহদি আৰু ঘাছেম কোন?
উত্তৰঃ- মেহদি আৰু ঘাছেম দুজন ইৰাণী যুৱক।
(ছ) মেহদি আৰু ঘাছেমে কাম কৰা কোম্পানীটোৰ নাম কি?
উত্তৰঃ- মেহদি আৰু ঘাছেমে কাম কৰা কোম্পানীটোৰ নাম হ'ল জিঅ'লগ।
(জ) ভেংকী ক'ত থাকে?
উত্তৰঃ- ভেংকী বুশ্বেৰত থাকে।
(ঝ) ভেংকীয়ে কি কৰে?
উত্তৰঃ- ভেংকীয়ে বুশ্বেৰৰ পৰা ৰিগলৈ যাব লগা হেলিকপ্টাৰ আৰু সামগ্ৰী যোগানকাৰী জাহাজসমূহৰ তদাৰক কৰে।
(ঞ) আবুজাৰ কোন?
উত্তৰঃ- আবুজাৰ এজন ট্ৰেভেল এজেণ্ট।
(ট) 'আগা' শব্দৰ অৰ্থ কি?
উত্তৰঃ- 'আগা' শব্দটো হ'ল "শ্ৰীযুত"ৰ সমাৰ্থক শব্দ। অৰ্থাৎ, "আগা" ৰ অৰ্থ হ'ল "শ্ৰীযুত"।
(ঠ) ইৰাণে কেতিয়া ইছলামিক গণতন্ত্ৰ হিচাপে স্বীকৃতি লাভ কৰে?
উত্তৰঃ- ১৯৭৯ চনৰ বিখ্য়াত ধৰ্মীয় বিপ্লৱৰ ফলস্বৰূপে ১ এপ্ৰিলত ইৰাণে ইছলামিক গণতন্ত্ৰ হিচাপে স্বীকৃতি লাভ কৰে।
(ড) ইৰাণৰ ইছলামিক গণতন্ত্ৰৰ প্ৰতিষ্ঠাতা কোন?
উত্তৰঃ- ইৰাণৰ ইছলামিক গণতন্ত্ৰৰ প্ৰতিষ্ঠাতা হ'ল ইমাম আয়াতুল্লা খোমেনি।
(ঢ) ইৰাণৰ কোনটো বিষয়ে লেখকৰ কৌতূহল বৃদ্ধি কৰিছিল?
উত্তৰঃ- ইৰাণৰ বুশ্বেৰত থকা গোলাকৃতিৰ স্থাপত্য়টোৱে লেখকৰ কৌতূহল বৃদ্ধি কৰিছিল।
(ণ) ইৰাণৰ ৰাজধানীৰ নাম কি?
উত্তৰঃ- ইৰাণৰ ৰাজধানীৰ নাম টেহৰাণ।
(ত) টেহৰাণত বিমান বন্দৰ কেইটা?
উত্তৰঃ- টেহৰাণত বিমান বন্দৰ দুটা।
(থ) লেখক থকা টেহৰাণৰ হোটেলখনৰ নাম কি?
উত্তৰঃ- লেখক থকা টেহৰাণৰ হোটেলখনৰ নাম হ'ল হোমা।
(দ) ভাৰতৰ প্ৰায়বোৰ তৈলক্ষেত্ৰ কেনেকুৱা শিলাস্তৰত অৱস্থিত?
উত্তৰঃ- ভাৰতৰ প্ৰায়বোৰ তৈলক্ষেত্ৰ নৱজীৱি মহাকল্পৰ শিলাস্তৰত অৱস্থিত।
(ধ) "স্লামবাৰ্জাৰ" কি?
উত্তৰঃ- "স্লামবাৰ্জাৰ" হ'ল এটা বহুৰাষ্ট্ৰীয় কোম্পানী।
(ন) ইৰাণীসকলে নৱবৰ্ষক কি বোলে?
উত্তৰঃ- ইৰাণীসকলে নৱবৰ্ষক "ন-ৰোজ" বোলে।
(প) বেহেষ্ট-ই-জাহাৰা কি?
উত্তৰঃ- বেহেষ্ট-ই-জাহাৰা হ'ল টেহৰাণৰ এখন মুখ্য সমাধিস্থল।
(ফ) শ্বিৰীন ইবাডি কোন?
উত্তৰঃ- শ্বিৰীন ইবাডি হ'ল এগৰাকী নবেল বঁটা বিজয়ী ইৰাণী মহিলা।
(ব) চেনি কোনে আৱিষ্কাৰ কৰিছিল?
উত্তৰঃ- কিংবদন্তি মতে সম্ৰাট জামছেদে কোনোবা এটা পৱিত্ৰ দিনত চেনি আৱিষ্কাৰ কৰিছিল।
(ভ) লেখকে ইৰাণলৈ কি দায়িত্ব লৈ গৈছিল?
উত্তৰঃ- লেখকে ইৰাণলৈ তেলৰ অন্বেষণৰ দায়িত্ব লৈ গৈছিল।
(ম) ইৰাণৰ আন্তঃৰাষ্ট্ৰীয় বিমান বন্দৰটোৰ নাম কি?
উত্তৰঃ- ইৰাণৰ আন্তঃৰাষ্ট্ৰীয় বিমান বন্দৰটোৰ নাম হ'ল "খোমেনি ইন্টাৰনেশ্যনেল এয়াৰপোৰ্ট"।
(য) "কেন্দ"ৰ অৰ্থ কি?
উত্তৰঃ- "কেন্দ"ৰ অৰ্থ হ'ল চেনি।
২। তেলৰ বাবে চলোৱা খনন কাৰ্যত "মাডলগিং" আহিলাসমূহৰ ভূমিকা কি?
উত্তৰঃ- তেলৰ বাবে চলোৱা খনন কাৰ্যত "মাডলগিং" আহিলাসমূহৰ ভূমিকা অতি গুৰুত্বপূৰ্ণ। মাডলগিং আহিলাসমূহৰ জৰিয়তে সংগ্ৰহ কৰা তথ্য়ই এখন নতুন তৈলক্ষেত্ৰ আৱিষ্কাৰ কৰাৰ লগতে কোনো ধৰণৰ বিপদজনক পৰিস্থিতি নোহোৱাকৈ খননকাৰ্য চলাই যোৱাত সহায় কৰে। ভূত্ত্ববিদসকলৰ বাবে এই আহিলাসমূহ অতি গুৰুত্বপূৰ্ণ।
৩। বুশ্বেৰ চহৰৰ এটা বিৱৰণ দিয়া।
উত্তৰঃ- বুশ্বেৰ হৈছে পাৰস্য় উপসাগৰৰ পাৰত অৱস্থিত ইৰাণৰ ইখন সৰু চহৰ। পাৰস্য় উপসাগৰৰ পাৰত অৱস্থিত বুশ্বেৰ হৈছে এখনি বন্দৰ নগৰী। বুশ্বেৰ এখন সৰু চহৰ হ'লেও ইয়াৰ ৰাস্তা-ঘাটবোৰ অতি সু-পৰিকল্পিত আৰু পৰিষ্কাৰ-পৰিচ্ছন্ন। চহৰৰ ৰাস্তাবোৰ চাৰি শাখাযুক্ত আৰু মাজত ডিভাইডাৰ থকা। এই ডিভাইডাৰসমূহ যথেষ্ট চাফা। চহৰৰ প্ৰতিটো ঘৰ সুৰক্ষিতভাৱে ওখ ওখ দেৱালেৰে আৱৰা আৰু আৱাসিক অঞ্চলৰ ঘৰসমূহ দুই বা তিনিমহলীয়া। এই চহৰখন খেজুৰৰ বাবে বিখ্য়াত। বুশ্বেৰ ইৰাণৰ এটা সামৰিক ঘাটি য’ত এটা নিউক্লীয় ৰিয়েক্টৰ আছে। বুশ্বেৰৰ তাপমাত্ৰা চল্লিছ ডিগ্ৰী ছেন্টিগ্ৰেডৰ ওপৰত থাকে। এই চহৰখনৰ মহিলাসকলে আধুনিক সাজ-পোছাক পৰিধান কৰে। সকলো মহিলাই তাত বোৰ্খা পৰিধান নকৰে। বুশ্বেৰত এটা অতি গুৰুত্বপূৰ্ণ বিমানবন্দৰ আছে আৰু এই বিমানবন্দৰটো ইৰাণৰ এটা সামৰিক ঘাটি।
৪। ইৰাণৰ ইতিহাসৰ বিষয়ে চমুকৈ লিখা।
উত্তৰঃ- ইৰাণৰ ইতিহাস অতি প্ৰাচীন। ইৰাণ হ'ল মানৱ সভ্য়তাৰ প্ৰাচীন ইতিহাসৰ ধ্বজাবাহক। এই প্ৰাচীন সভ্য়তা আজিও সজীৱ হৈ আছে। প্ৰত্নতাত্ত্বিক, ঐতিহাসিক, সাংস্কৃতিক, ঐতিহ্য় তথা বিৰল কীৰ্তিস্তম্ভৰ যোগেদি।
প্ৰায় চাৰি হাজাৰ বছৰ পূৰ্বে আৰ্যগোষ্ঠীৰ লোকসকলে ইৰাণলৈ আহি বসতি স্থাপন কৰিছিল। খ্ৰীষ্টপূৰ্ব প্ৰায় ছয় শতিকাৰ পূৰ্বে বিখ্য়াত ৰজা ছাইৰাছে উত্তৰ ইৰাণৰ "মেডেছ"সকলক পৰাস্ত কৰি ইৰাণবাসীক একত্ৰিত কৰিছিল। খ্ৰীষ্টপূৰ্ব ৫২৯ ত ছাইৰাছৰ মৃত্য়ু হয় আৰু নতুন ৰজা দৰিয়াছে সাম্ৰাজ্য় প্ৰসাৰৰ প্ৰয়াস কৰে যদিও পৰৱৰ্তী কালত আলেকজেণ্ডাৰৰ আগমনত ছাইৰাছৰ পাৰ্ছেপলিছ সাম্ৰাজ্য়ৰ পতন ঘটিছিল। খ্ৰীষ্টপূৰ্ব দ্বিতীয় শতিকালৈ ইৰাণত গ্ৰীকসকলে শাসন কৰাৰ পাছত পাৰ্থিয়ানসকলে ইৰাণৰ শাসনভাৰ লাভ কৰিছিল আৰু পাৰ্থিয়ানসকলৰ ৰাজত্বকালত "জোৰাষ্ট্ৰিয়ান" ধৰ্মই ইৰাণৰ ৰাজধৰ্ম হিচাপে স্বীকৃতি লাভ কৰিছিল। ৩৫০ বছৰ কাল পাৰ্থিয়ানসকলে শাসন কৰাৰ পাছত চাৰিটা শতিকা "ছাজানিক"সকলে ইৰাণত শাসন কৰিছিল। ইয়াৰ পাছতেই আৰৱসকলৰ ইৰাণলৈ আগমন ঘটে আৰু ইয়াৰ লগে লগে ইৰাণৰ ইতিহাসৰ পৰিৱৰ্তন হ'বলৈ ধৰিছিল। আৰৱসকলে ইৰাণলৈ "মুছলিম" ধৰ্মৰ আগমন ঘটাইছিল আৰু সময় অতিবাহিত হোৱাৰ লগে লগে ইছলাম ধৰ্মক ইৰাণৰ মুখ্য় ধৰ্ম হিচাপে স্বীকৃতি দিয়া হৈছিল।
ইৰাণৰ শাসনকালৰ ভিতৰত অন্য়তম আছিল নাদিৰ শ্বাহ। তেওঁৰ ৰাজত্বকাল ১৭৩৭-১৭৪৭। তেওঁলোকে প্ৰথম বিশ্বযুদ্ধলৈ ইৰাণত শাসন কৰিছিল। প্ৰথম বিশ্বযুদ্ধৰ পিছত ৰেহাশ্বাহ পাহ্ণাভিয়ে ইৰাণৰ শাসনভাৰ হাতত ল'লে আৰু তেতিয়াৰে পৰা আধুনিকীকৰণৰ প্ৰচেষ্টাৰ আৰম্ভণি হ'ল। ১৯৭৯ চনৰ বিখ্য়াত ধৰ্মীয় বিপ্লৱৰ ফলস্বৰূপে পহিলা এপ্ৰিলৰ পৰা ইৰাণে ইছলামিক গণতন্ত্ৰ হিচাপে স্বীকৃতি লাভ কৰে।
৫। ইৰাণৰ ভূতত্বৰ বিষয়ে লিখা।
উত্তৰঃ- ইৰাণ চহৰৰ ভূতত্বৰ বিষয়ে ক'বলৈ গ'লে পোনপ্ৰথমে মনলৈ আহে জাগ্ৰছ পৰ্বতমালাৰ কথা। ইৰাণ চহৰৰ মূখ্য় আকৰ্ষণ হৈছে এই পৰ্বতমালা। ইৰাণৰ পাৰস্য় উপসাগৰীয় অঞ্চলত ডেৰশতকৈও অধিক তৈলক্ষেত্ৰ আছে আৰু এই অঞ্চলৰ ওপৰতে বিশ্বৰ বহুতো দেশ নিৰ্ভৰশীল। ইৰাণৰ ভূ-স্তৰত বিভিন্ন যুগৰ বিভিন্ন শিলাস্তৰত তেল আৰু গেছ পোৱা যায়।
৬। জাগ্ৰছ পৰ্বতমালাৰ বিষয়ে তোমাৰ পাঠ্য়পুথিৰ সহায়ত লিখা।
উত্তৰঃ- জাগ্ৰছ পৰ্বতমালা হৈছে ইৰাণৰ এক মূখ্য় আকৰ্ষণ। এই পৰ্বতমালা আৰৱ প্লেট আৰু ইউৰেছিয়া প্লেটৰ সংঘাটৰ ফলত সাগৰৰ বুকুৰ পৰা জাগ্ৰত হৈ উঠিছিল। এই পৰ্বতমালাৰ দক্ষিণ-পশ্চিম দিশত তেল আৰু গেছৰ ভাণ্ডাৰ সঞ্চিত হৈ আছে। এই পৰ্বতমালা ইৰাণৰ উত্তৰ-পশ্চিমৰ পৰা দক্ষিণ-পূবলৈ বিয়পি আছে। ইয়াৰ সৰ্বোচ্চ শৃংগটোৰ উচ্চতা প্ৰায় ৪,৫০০ মিটাৰ।
৭। ইৰাণৰ কেইখনমান ঠাইৰ নাম লিখা।
উত্তৰঃ- ইৰাণৰ কেইখনমান উল্লেখযোগ্য় ঠাইৰ নাম হ'ল ― বুশ্বেৰ, টেহৰাণ, চিৰাজ, আহৱাজ, টাবৰিজ, ইছফাহান, মাছাদয়াজ, হামাদান, কাৰমান আদি।
৮। টেহৰাণৰ বিমান বন্দৰকেইটা কি কি আৰু কোন কোন স্থানত?
উত্তৰঃ- টেহৰাণৰ বিমানবন্দৰ দুটা। সেইকেইটা হ'ল মেহৰাবাদ বিমান বন্দৰ আৰু খোমেনি আন্তৰ্জাতিক বিমান বন্দৰ। মেহৰাবাদ বিমান বন্দৰটো চহৰৰ মাজত অৱস্থিত আৰু খোমেনি আন্তৰ্জাতিক বিমান বন্দৰটো চহৰৰ পৰা নিলগত অৱস্থিত।
৯। টেহৰাণৰ প্ৰাকৃতিক অৱস্থা কেনেকুৱা লিখা।
উত্তৰঃ- টেহৰাণৰ প্ৰাকৃতিক অৱস্থা অতি সুন্দৰ আৰু মনোমোহা। ওখ ওখ পৰ্বতেৰে পৰিৱেষ্টিত টেহৰাণ হ'ল এখন অতি সুন্দৰ চহৰ। টেহৰাণৰ এই মনোমোহা সৌন্দৰ্যৰ বাবে বহুতে টেহৰাণক পেৰিছৰ লগতো তুলনা কৰে। গ্ৰীষ্মৰ দুটা মাহ ইয়াত যথেষ্ট গৰম হয় যদিও বছৰৰ বাকী সময়ছোৱাত টেহৰাণৰ জলবায়ু অতি আৰামদায়ক হয়। শীতকালত টেহৰাণত বৰফ পৰে। টেহৰাণক এই সুন্দৰ জলবায়ু প্ৰদান কৰে এলব্ৰুন পৰ্বতৰাশিয়ে। পৰ্বতৰ ওপৰৰ হিমবাহবোৰ টেহৰাণ চহৰৰ খোৱা পানীৰ প্ৰধান উৎস।
১০। "স্লামবাৰ্জাৰ" কোম্পানীৰ কাৰ্যালয় ক'ত ক'ত আছে?
উত্তৰঃ- "স্লামবাৰ্জাৰ" কোম্পানীৰ কাৰ্যালয় নাজিৰাৰ পৰা "নাইজেৰিয়ালৈকে", দুলীয়াজানৰ পৰা ডুবাইলৈকে, টেহৰাণৰ পৰা টেক্সাছলৈকে পৃথিৱীৰ সকলো তৈলক্ষেত্ৰৰ ওচৰে-পাঁজৰে আছে।
১১। ইৰাণীসকলৰ নৱবৰ্ষ উৎসৱৰ বিৱৰণ দিয়া।
উত্তৰঃ- বসন্তৰ মনোৰম দিনৰ আৰম্ভণিতে ইৰাণীসকলে তেওঁলোকৰ নৱবৰ্ষ অৰ্থাৎ 'ন' ৰোজ পালন কৰে। দুসপ্তাহ জুৰি উদযাপন কৰা এই উৎসৱ আৰম্ভ হয় বসন্তৰ প্ৰথম দিনটোত, যেতিয়া সূৰ্যই বিষুৱ ৰেখা অতিক্ৰম কৰে। নৱবৰ্ষৰ সময়ত বুশ্বেৰৰ স্কুল-কলেজ, চৰকাৰী কাৰ্যালয়, হোটেল আদি সকলোতে শিবিৰ স্থাপন কৰা হয়। যাতে, ইৰাণীসকলে ভালদৰে নৱবৰ্ষ উৎযাপন কৰিব পাৰে। নৱবৰ্ষ উৎযাপন উপলক্ষে তেওঁলোক সকলোৱে নতুন কাপোৰ পৰিধান কৰে আৰু বহুতো পিঠা-পনা বনায়। নৱবৰ্ষৰ এই উৎসৱত বহুতো বিষয় সামৰি লোৱা হয়। বিষয়সমূহ হ'ল চহৰখনৰ পৰিৱেশ আৰু নিজকে চাফ-চিকুণ কৰা, শত্ৰুভাৱ দূৰ কৰি সকলোৰে লগত বন্ধুত্ব স্থাপন কৰা, অগ্নিশিখা প্ৰজ্বলন কৰা, সীমান্ত নদী বা সাগৰৰ অভিমূখে যাত্ৰা ইত্য়াদি।
এই উৎসৱৰ সময়ত যিকোনো পাৰ্ছি গৃহতে টেবুল বা কাৰ্পেটৰ ওপৰত এখন সুন্দৰ কাপোৰ পাৰি সাতবিধ খাদ্য়বস্তু সজোৱা হয়। এই সাতবিধ খাদ্য়ৰ কাষত পৱিত্ৰ কোৰাণ আৰু হাফেজৰ কবিতা পঢ়ে। বছৰৰ শেষ বুধবাৰে ৰাজহুৱা স্থানত মেজি জ্বলাই জুইৰ ওপৰেৰে পাৰ হৈ পাৰ্থনা কৰে আৰু জুইৰ পোহৰত কাঁহী-বাটি বজায় আৰু মানুহৰ ঘৰে ঘৰে গৈ আতিথ্য় গ্ৰহণ কৰে।
১২। বেহেষ্ট-ই-জাহাৰাৰ লগত টেহৰাণবাসীৰ সম্পৰ্কৰ বিষয়ে লিখা।
উত্তৰঃ- বেহেষ্ট-ই-জাহাৰা হ'ল টেহৰাণৰ এক জনপ্ৰিয় স্থান। বেহেষ্ট-ই-জাহাৰা হৈছে টেহৰাণৰ মূখ্য় সমাধিস্থল। এই ঠাই কেইবা কিলোমিটাৰ জুৰি বিস্তৃত হৈ আছে। খোৱা-বোৱাৰ দোকানৰ পৰা খেল-পথাৰৰলৈকে সকলো এই সমাধিস্থলত আছে। টেহৰাণক জানিব বা অনুভৱ কৰিবলৈ বেহেষ্ট-ই-জাহাৰা হ'ল উত্তম স্থান। ই টেহৰাণৰ গুণ-গৰিমা সুন্দৰভাৱে প্ৰতিফলিত কৰে।
১৩। শ্বিৰীণ ইবাডি কোন? তেওঁৰ সংগ্ৰামৰ বিষয়ে পাঠ্য়পুথিৰ সহায়ত লিখা।
উত্তৰঃ- শ্বিৰীণ ইবাডি হ'ল ইৰাণৰ এগৰাকী নৱেল বঁটা বিজয়ী সংগ্ৰামী নেত্ৰী।
ছাদ্দাম হুছেইনৰ সমৰ্থিত এটা বিপ্লৱৰ অংশীদাৰ হিচাপে শ্বিৰীণ ইবাডিয়ে খোমেনিক পদচ্যুত কৰিবলৈ চেষ্টা কৰিছিল যাৰ বাবে তেওঁক শীতল মস্তিষ্কৰে হত্যা কৰা হৈছিল। কিন্তু কঠোৰ পন্থিৰ বিৰুদ্ধে শ্বিৰীণ ইবাডিৰ যি সংগ্ৰাম সেয়া লেখত ল'বলগীয়া। তেওঁক বিচাৰপতি হোৱাৰ পৰা বঞ্চিত কৰা হৈছিল আৰু হিজাব পৰিধান কৰিবলৈ জোৰ দিয়া হৈছিল। তেনে এটা কঠিন পৰিৱেশত তেওঁ এটা অত্যুৎসাহী পদক্ষেপ লৈছিল মানৱ অধিকাৰ। তেওঁ সেইবোৰ লোকৰ বাবে যুঁজিছিল য’ত যুৱতীক ধৰ্ষণ কৰা হৈছিল, শাসন বিৰোধী বুলি যুৱকক শাস্তি দিয়া হৈছিল, পতিয়ে পত্নীক বেয়া ব্যৱহাৰ কৰিছিল আদি। যেতিয়া তেওঁ বিজয়ৰ মুখ দেখিলে তেতিয়া তেওঁ মানৱ অধিকাৰৰ অগ্ৰণী ৰনুৱা হিচাপে সমগ্ৰ বিশ্বতে পৰিচিত হৈ পৰিল আৰু সেয়েহে তেওঁক শান্তিৰ নৱেল বঁটাৰে সন্মানিত কৰা হৈছিল।
ভাষা-বিষয়কঃ
১। তলত দিয়া শব্দকেইটা কি ভাষাৰ লিখাঃ
কেঁচি, দোৱাত, চিয়াঁহী, চিচা, কেন্দি।
উত্তৰঃ-
কেঁচি 一 ফাৰ্চী ভাষা।
দোৱাত 一 ফাৰ্চী ভাষা।
চিয়াঁহী 一 ফাৰ্চী ভাষা।
চিচা 一 ফাৰ্চী ভাষা।
কেন্দি 一 ফাৰ্চী ভাষা।
২। তলত দিয়া শব্দকেইটাৰ অৰ্থ লিখাঃ
খেলে মামনুন, মিৰচি্ ছালাম।
উত্তৰঃ-
খেলে মামনুন 一 ধন্য়বাদ।
মিৰচি্ ছালাম 一 ধন্য়বাদ।
৩। তলত দিয়া শব্দকেইটাৰ প্ৰতীকী অৰ্থ কি?
চবজে, ছামানু, ছিব, জেনেজেভ, ছিৰ, ছমাক ছেৰকেহ।
উত্তৰঃ-
চবজে (ঘেঁহু বা দাইল) 一 পুনৰ জন্মৰ প্ৰতীক।
ছামানু (ঘেঁহু কঠীয়াৰ পায়স) 一 নতুন জীৱনৰ প্ৰতীক।
ছিব (আপেল) 一 স্বাস্থ্য় আৰু সৌন্দৰ্য্য়ৰ প্ৰতীক।
জেনেজেভ (বনৰীয়া শুকান জলফাই) 一 প্ৰেমৰ প্ৰতীক।
ছিৰ (নহৰু) 一 ঔষধ।
ছমাক (এবিধ বগৰী) 一 সূৰ্যোদয়ৰ বৰণ বুজায়।
ছেৰকেহ (ভিনেগাৰ) 一 বয়স আৰু ধৈৰ্য্য়ৰ প্ৰতীক।
৪। তলত দিয়া শব্দকেইটাত 'ষ' আৰু 'ণ' কিয় প্ৰয়োগ হৈছে লিখাঃ
সম্ভাষণ, অন্বেষণ, গৱেষণা, অৱতৰণ।
উত্তৰঃ- সম্ভাষণঃ সাধাৰণতে 'অ', 'আ' তথা অন্য় স্বৰবৰ্ণ অথবা 'ক' তথা 'ৰ' পাছত থকা 'স' মূৰ্দ্ধণ্য় 'ষ' হয়। আনহাতে, একেটা পদতে থকা 'ঋ', 'ৰ', 'ষ' - ৰ পাছত থকা দন্ত্য় 'ন' মূৰ্দ্ধণ্য় 'ণ' হয়।
অন্বেষণঃ একেটা পদতে থকা 'ঋ', 'ৰ', 'ষ' - ৰ পাছত থকা দন্ত্য় 'ন' মূৰ্দ্ধণ্য় 'ণ' হয়।
গৱেষণাঃ কিছুমান শব্দত স্বাভাৱিকতে মূৰ্দ্ধণ্য় 'ষ' হয়। আনহাতে, 'ঋ', 'ৰ', 'ষ' - ৰ পাছত থকা দন্ত্য় 'ন' মূৰ্দ্ধণ্য় 'ণ' হয়।
অৱতৰণঃ একেটা পদতে থকা 'ঋ', 'ৰ', 'ষ' - ৰ পাছত থকা দন্ত্য় 'ন' মূৰ্দ্ধণ্য় 'ণ' হয়।
৫। তলৰ শব্দকেইটাত কি প্ৰত্য়য় প্ৰয়োগ হৈছে লিখাঃ
ইৰাণী, আবাসিক, বাণিজ্য়িক, শেহতীয়া, সোণালী, খৰচী।
উত্তৰঃ-
ইৰাণী 一 ঈ (ইৰাণ + ঈ = ইৰাণী)
আবাসিক 一 ইক (আবাস + ইক = আবাসিক)
বাণিজ্য়িক 一 ইক (বাণিজ্য় + ইক = বাণিজ্য়িক)
শেহতীয়া 一 অতীয়া (শেহ + অতীয়া = শেহতীয়া)
সোণালী 一 আলী (সোণ + আলী = সোণালী)
খৰচী 一 ঈ (খৰচ + ঈ = খৰচী)
Answered by 一 Sri Mampi Kakati
Spelling Checked by 一 Sri Mampi Kakati
**********
(For Paid User 300 for 1 Year)
(সকলো পাঠৰ Paid উত্তৰবোৰ চাব পাৰিব)
-------------------------------
বেলেগ ধৰণৰ উত্তৰ পাবলৈ এই লিংক টোত ক্লিক কৰক
-------------------------------
Post Id: DABP000970
