প্রশ্নাবলী
পুনৰুদ্ধাৰ আৰু বিপ্লৱঃ(১৮১৫-১৮৪৮)
অতি চমু প্রশ্ন (Very short questions) :
উত্তৰঃ ১৮১৫ চনত ইউৰোপীয় মৈত্ৰীসংঘ প্ৰতিষ্ঠা হৈছিল ।
২। মৈত্ৰীসংঘৰ কাৰ্যাৱলীক আটাইতকৈ প্ৰভাৱিত কৰা ব্যক্তিজন কোন?
৩। ফ্রান্সৰ বুৰবন বংশৰ শেষ ৰজা কোন আছিল? (Who was the last king of Bourbon dynasty of France?)
উত্তৰঃ ফ্ৰান্সৰ বুৰবন বংশৰ শেষ ৰজা আছিল দশম চাৰ্লচ ।
৪। লুই ফিলিপি কোন ৰাজবংশৰ লোক আছিল?
(Louie Philipy belonged to which dynasty?)
উত্তৰঃ লুই ফিলিপি অৰ্লিয়েন্স ৰাজবংশৰ লোক আছিল ।
৫। ফ্রান্সত কোন চনত জুলাই বিপ্লৱ সংঘটিত হৈছিল?
(In which year July Revolution took place?)
উত্তৰঃ ১৮৩০ চনত ফ্ৰান্সত জুলাই বিপ্লৱ সংঘটিত হৈছিল ।
৬। ফ্রান্সত কোন চনত ফেব্ৰুৱাৰী বিপ্লৱ সংঘটিত হৈছিল?
উত্তৰঃ ১৮৪৮ চনত ফ্ৰান্সত ফেব্ৰুৱাৰী বিপ্লৱ সংঘটিত হৈছিল ।
৭। কোন বিপ্লৱৰ পাছত ফ্রান্সত দ্বিতীয় গণতন্ত্র প্রতিষ্ঠা হৈছিল? (After which Revolution second France Republic was established?)
উত্তৰঃ
৮। ১৮৪৮ চনৰ বিপ্লৱৰ সময়ত ফ্ৰান্সৰ সম্রাট কোন আছিল?
চমু প্রশ্ন (Short question) :
ক) ফ্ৰান্সৰ লগত কৰা চুক্তিসমূহৰ সঠিক প্ৰয়োগ কৰা ।
খ) ইউৰোপৰ ৰাজনৈতিক সুস্থিৰতা বজাই ৰখা ।
২। মৈত্রীসংঘৰ বিফলতাৰ দুটা কাৰণ উল্লেখ কৰা। (Mention two causes of failure of the concert of Europe?)
ক) ইংলেণ্ডে প্ৰথমৰ পৰাই পৰৰাষ্ট্ৰত হস্তক্ষেপৰ নীতিৰ বিৰোধিতা কৰিছিল ।
খ) মৈত্ৰীসংঘৰ সদস্যসকলৰ পাৰস্পৰিক ঘৃণা আৰু সন্দেহ ইয়াৰ ব্যৰ্থতাৰ অন্যতম কাৰণ ।
৩। ১৮৩০ চনৰ বিপ্লৱৰ সময়ৰ ফ্ৰান্সৰ দুটা ৰাজনৈতিক দলৰ নাম লিখা।
উত্তৰঃ ১৮৩০ চনৰ বিপ্লৱৰ সময়ৰ ফ্ৰান্সৰ দুটা ৰাজনৈতিক দলৰ নাম হল
ক) মধ্যম ৰয়েলিষ্ট ।
খ) গণতান্ত্ৰিক পাৰ্টী ।
৪। ১৮৪৮ চনৰ বিপ্লৱৰ দুজন নেতাৰ নাম লিখা।
(Write the name of two leaders of the Revolution of 1848.)
ক) লুই ফিলিপি ।
খ) লুইচ ব্লেংক ।
৫। ১৮৪৮ চনৰ বিপ্লৱৰ দুটা ফলাফল উল্লেখ কৰা।
ক) এই বিপ্লৱৰ ফলত ফ্ৰান্সত দ্বিতীয়বাৰৰ বাবে গণতন্ত্ৰ প্ৰতিষ্ঠা হয় ।
খ) এই বিপ্লৱে মেটাৰনিকৰ প্ৰতিক্ৰিয়াশীল নীতিৰ অন্ত পেলায় ।
চমুটোকা (Short notes) :
ক) এই-লা-চেপেলৰ কংগ্ৰেছ, ১৮১৮ ।
খ) ট্ৰপো কংগ্ৰেছ ১ ১৮২০ ।
গ) লাইবাক কংগ্ৰেছ ১৮২১।
ঘ) ভেৰোনা কংগ্ৰেছ, ১৮২২
ক) এই-লা-চেপেলৰ কংগ্ৰেছঃ ১৮১৮ চনত এই-লা-চেপেলৰ মৈত্ৰীসংঘৰ প্ৰথমখন সন্মিলন অনুষ্ঠিত হয় । এই চতুৰ্থশক্তিৰ সন্মিলনখনে লোৱা বিভিন্ন পদক্ষেপসমূহ আছিল
১। ফ্ৰান্সে নিৰ্ধাৰিত সময়ৰ ভিতৰতে বিজিতসকলক ক্ষতিপূৰণ আদায় দিছিল । এই কাৰ্যত সন্তুষ্ট হৈ চতুশক্তিয়ে ফ্ৰান্সকো মৈত্ৰীসংঘৰ সদস্য হিচাপে গ্ৰহণ কৰিছিল । তদুপৰি ফ্ৰান্সৰ পৰা তেওঁলোকৰ নিজ নিজ সৈন্যবাহিনীও অপসাৰিত কৰিছিল ।
২। ডেনমাৰ্ক আৰু চুইডেনৰ লগত ভিয়েনা বন্দোবস্তৰ চৰ্তসমূহ কাৰ্যকৰী কৰাত হেমাহি কৰাৰ বাবে চুইডেনৰ ৰজা বাৰ্নিডটেক পৰা তাৰ সুদুত্তৰ বিচৰা হৈছিল ।
৩। মাৰ্নাকৰ ৰজাক প্ৰশাসনৰ উন্নীতকৰণৰ বাবে কোৱা হৈছিল ।
৪। বাডাৰিয়াৰ সাম্ৰাজ্যবাদী মনোভাব নিশেষ কৰা হৈছিল ।
৫। জাৰ্মানীৰ ৰাজ্যসমূহৰ অভাৱ-অভিযোগৰ ওপৰত আলোচনা কৰা ।
৬। অষ্ট্ৰিয়া আৰু প্ৰুছিয়াৰ ইহুদী নাগৰিকসকলৰ ওপৰত ব্যৱস্থা গ্ৰহণ ।
৭। মৈত্ৰীসংঘৰ অন্তৰ্গত ৰাষ্ট্ৰসমূহত প্ৰশাসনিক , ধৰ্মীয় আৰু বিচাৰ সম্পৰ্কীয় সংস্কাৰ সাধনৰ বাবে কমিটি গঠন ইত্যাদি ।
প্ৰথম অৱস্থাত মৈত্ৰীসংঘৰ সদস্যসকলে একত্ৰিত হৈ যিকোনো কাৰ্য সম্পাদনৰ চেষ্টা চলাইছিল । কিন্তু ক্ৰমে ব্যক্তিগত স্বাৰ্থ আহি পৰিলেই যিকোনো ৰাষ্ট্ৰই হয় মৈত্ৰীসংঘৰ কাৰ্যৰ পৰা পিছহোঁহকা দিছিল, নহয় আৰু এই কাৰ্যত বাধা প্ৰদান কৰিছিল । ইয়াৰ ফলত মৈত্ৰীসংঘৰ কাৰ্যত বিশৃংখলতাই দেখা দিয়াৰ ই সাংগঠিক দিশত দুৰ্বল হৈ আহিছিল । উদাহৰণস্বৰূপে সমুদ্ৰ ডকাইতসকলক দমন কৰাৰ ক্ষেত্ৰত ইংলেণ্ডে বাধা প্ৰদান কৰিছিল । কাৰণ ৰাছিয়াৰ জাহাজে ভূমধ্য সাগৰীয় অঞ্চলত আধিপত্য বিস্তাৰ কৰিব বুলি ইংলেণ্ডে আশংকা কৰিছিল । তদুপৰি দক্ষিণ আমেৰিকাৰ বিদ্ৰোহ হোৱা উপনিৱেশসমূহত স্পেইনক পুনৰ প্ৰতিষ্ঠাৰ ক্ষেত্ৰতো ইংলেণ্ডে লোৱা ব্যৱস্থাক কনচাৰ্টৰ বাকীসকল সদস্যই বিৰোধিতা কৰিছিল ।
এনেদৰেই মৈত্ৰীসংঘৰ সদস্যসকলৰ মাজত মনোমালিন্য আৰম্ভ হৈছিল । এই মতবিৰোধসমূহত ইংলেণ্ড অকলে আছিল আৰু বাকী সদস্য ৰাষ্ট্ৰসমূহে একগোট হৈ অন্যফালে আছিল । ইংলেণ্ডে আশংকা কৰিছিল যে যে মৈত্ৰীসংঘৰ অন্যৰাষ্ট্ৰৰ আভ্যন্তৰীণ বিষয়ত হস্তক্ষেপ কৰিলে সেই ৰাষ্ট্ৰসমূহত মৈত্ৰীসংঘৰ প্ৰভূত্ব বৃদ্ধি পাব । আনহাতে, বিশেষ পৰিস্থিতিৰ সৃষ্টি হলেহে অন্যৰাষ্ট্ৰৰ আভ্যন্তৰীণ ক্ষেত্ৰত মাত মাতিব বুলি ইংলেণ্ডে ঘোষণা কৰিছিল । বৃটিছ প্ৰতিনিধি কেচলেৰেগে ঘোষণা কৰিছিল যে মৈত্ৰীসংঘই নিজকে বিশ্ব প্ৰশাসনৰ সংগঠন হিচাপে গঢ়ি তোলা উচিত নহয় আৰু ই অন্যৰাষ্ট্ৰৰ আভ্যন্তৰীণ ক্ষেত্ৰত অধীক্ষকৰ কাম কৰিব নালাগে । ইংলেণ্ডৰ এনে ঘোষণাই জাতীয়তাবাদী ৰাষ্ট্ৰসমূহক যথেষ্ট অনুপ্ৰাণিত কৰিছিল ।
খ) ট্ৰপো কংগ্ৰেছ ঃ মৈত্ৰীসংঘৰ দ্বিতীয়খন সভা ১৮২০ চনত ট্ৰপোত অনুষ্ঠিত হৈছিল । কিন্তু এই কংগ্ৰেছৰ ইউৰোপৰ চাৰিশক্তিৰ মাজত বিভিন্ন বিষয়ৰ আলোচনাও অধিক বৃদ্ধি পোৱা দেখা গৈছিল । নেপোলচ, স্পেইন আৰু পৰ্টুগালত হোৱা বিদ্ৰোহৰ আলোচনা কৰিবৰ বাবে এই কংগ্ৰছৰ আহ্বান কৰা হৈছিল । কংগ্ৰেছত এই দেশসমূহৰ বিভিন্ন সমস্যাসমূহৰ বিশদ আলোচনা কৰা হৈছিল । কিন্তু েই সমস্যাসমূহৰ সমাধানৰ ক্ষেত্ৰত বাস্তৱ পদক্ষেপ লোৱাৰ বিষয়ত মৈত্ৰীসংঘৰ সদস্য ৰাষ্ট্ৰসমূহৰ মাজত বিভেদ সৃষ্টি কৰিছিল । এইক্ষেত্ৰত প্ৰতিখন ৰাষ্ট্ৰই সমূহীয়া স্বাৰ্থৰ সলনি ব্যক্তিগত স্বাৰ্থতহে অধিক গুৰুত্ব দিয়া দেখা গৈছিল । মেটাৰনিকে কোনো দেশতে যাতে বিদ্ৰোহ তথা বিপ্লৱাত্মক আন্দোলন গঢ়ি উঠিব নোৱাৰে বা সম্প্ৰসাৰিত হব নোৱাৰে তাৰ বাবে কঠোৰ নীতি গ্ৰহণ কৰিছিল । এই ক্ষেত্ৰত ৰাছিয়া, প্ৰুছিয়া আৰু অষ্ট্ৰিয়াই একত্ৰিত হৈ এক নীতি গ্ৰহণ কৰিছিল ।
গ) লাইবাক কংগ্ৰেছ ঃ ট্ৰপো প্ৰটকলৰ অনিশ্চয়তাৰ পাছত ১৮২১ চনত মৈত্ৰীসংঘৰ সদস্যসকলে পুনৰ লাইবাকত মিলিত হয় । এই সন্মিলনে অষ্ট্ৰিয়াক নেপোলচৰ বিদ্ৰোহ দমনৰ অনুুমতি দিয়ে । ফলত অষ্ট্ৰিয়াই শক্তি প্ৰয়োগৰ দ্বাৰা নেপোলচৰ বিদ্ৰোহ দমন কৰি ফাৰ্ডিনাণ্ডক পুনৰ নেপোলচৰ শাসনকৰ্তা পাতে ।
২। দশম চার্লচ (Charles X)
দশম চাৰ্লচৰ অত্যাচাৰী শাসনত ফ্ৰান্সৰ সাধাৰণ প্ৰজা অতীষ্ঠ হৈ উঠিছিল । সাধাৰণ লোকৰ সংখ্যা সীমিতকৰণৰ বাবে চাৰ্লচে আনকি মেম্বাৰ অব ডেপুটিজৰ নিৰ্বাচন তিনিবাৰকৈ অনুষ্ঠিত কৰিছিল ।
৩। লুই ফিলিপি (Louis Philipe)
ৰচনাধৰ্মী প্রশ্ন (Essay type questions) :
১। মৈত্রীসংঘৰ ওপৰত এটি আলোচনা আগবঢ়োৱা। (Give a description of the Concert of Eurpe.)
মৈত্ৰীসংঘৰ লক্ষ্য
মৈত্ৰীসংঘৰ প্ৰধান লক্ষ্য আছিল সম্ভাব্য যুদ্ধ প্ৰতিৰোধ কৰি ইউৰোপত শান্তি প্ৰতিষ্ঠা কৰা । এই সংঘৰ অন্যান্য লক্ষ্যসমূহ আছিল
ক) ফ্ৰান্সৰ লগত কৰা চুক্তিসমূহৰ সঠিক প্ৰয়োগ কৰা ।
খ) ইউৰোপৰ ৰাজনৈতিক সুস্থিৰতা বজাই ৰখা ।গ
গ) এই চাৰিশক্তিৰ মাজত বন্ধুত্বপূৰ্ণ সম্পৰ্ক বৃদ্ধি কৰা ।
ঘ) নেপোলিয়নৰ দৰে কোনো লোকৰ যাতে উত্থান নহয় তাৰ প্ৰতি সতৰ্কতা অৱলম্বন কৰা ।
ঙ) গণতাতান্ত্ৰিক আৰু জাতীয়তাবাদী শক্তিসমূহক ধ্বংস কৰা ।
চ) ইউৰোপত স্বৈৰাচাৰীতন্ত্ৰক নিৰাপত্তা প্ৰদান কৰা ।
মৈত্ৰীসংঘৰ কাৰ্যাৱলী ঃ ইউৰোপৰ বিভিন্ন সমস্যাসমূহৰ সমাধানৰ বাবে এই কনচাৰ্টৰ সদস্যসকলে কেইবাখনো মহাসভাত মিলিত হৈ আলোচনা কৰাৰ সিদ্ধান্ত গ্ৰহণ কৰিছিল । সেইমৰ্মে কনচাৰ্টৰ সদস্যসকলে বহুবাৰ কংগ্ৰেছত মিলিত হৈ ইউৰোপৰ প্ৰধান সমস্যাৱলীসমূহৰ ওপৰত বিতং আলোচনা চলাইছিল । ১৮২০ চনৰ পৰা ১৮২৫ চনলৈ বহুবাৰ কংগ্ৰেছৰ সভা অনুষ্ঠিত হোৱাৰ বাবে এই সময়ছোৱাক কংগ্ৰেছৰ যুগ হিচাপে জনা যায় । এই কংগ্ৰেছসমূহত মুখ্য বা প্ৰধান ভূমিকা গ্ৰহণ কৰিছিল অষ্ট্ৰিয়াৰ মেটাৰনিকে । গণতান্ত্ৰিক আৰু যিকোনো নমনীয় শক্তিক নিৰ্মূল কৰি স্বেচ্ছাচাৰী ৰাজতন্ত্ৰ জীয়াই ৰখাত এই কনচাৰ্টে বিশেষ গুৰুত্ব দিছিল । ইয়াৰ প্ৰধান কংগ্ৰেছসমূহ আছিল
ক) এই লা-চেপেলৰ কংগ্ৰেছ ১৮১৮ ।
খ) ট্ৰপো কংগ্ৰেছ ১৮২০।
গ) লাইবাক কংগ্ৰেছ ১৮২১।
ঘ) ভেৰোনা কংগ্ৰেছ ১৮২২ ।
ক) এই-লা-চেপেলৰ কংগ্ৰেছ ঃ ১৮১৮ চনত এই -লা-চেপেলত মৈত্ৰীসংঘৰ প্ৰথমখন সন্মিলন অনুষ্ঠিত হয় । এই চতুৰ্থশক্তিৰ সন্মিলনখনে পোৱা বিভিন্ন পদক্ষেপসমূহ আছিল
১। ফ্ৰান্সে নিৰ্ধাৰিত সময়ৰ ভিতৰতে বিজিতসকলক ক্ষতিপূৰণ আদায় কৰিছিল । এই কাৰ্যত সন্তুষ্ট হৈ চতুৰ্শক্তিয়ে ফ্ৰান্সকো মৈত্ৰীসংঘৰ সদস্য হিচাপে গ্ৰহণ কৰিছিল । তদুপৰি ফ্ৰান্সৰ পৰা তেওঁলোকৰ নিজ নিজ সৈন্যবাহিনীও অপসাৰিত কৰিছিল ।
২। ডেনমাৰ্ক আৰু চুইডেনৰ লগত ভিয়েনা বন্দোবস্তৰ চৰ্তসমূহ কাৰ্যকৰী কৰাত হেমাহি কৰাৰ বাবে চুইডেনৰ ৰজা বাৰ্নিডটেক পৰা তাৰ সুদুত্তৰ বিচৰা হৈছিল ।
৩। মাৰ্নাকৰ ৰজাক প্ৰশাসনৰ উন্নীতকৰণৰ বাবে কোৱা হৈছিল । ৪। বাভাৰিয়াৰ সাম্ৰাজ্যবাদী মনোভাৱ নিঃশেষ কৰা হৈছিল ।
৫। জাৰ্মানীৰ ৰাজ্যসমূহৰ অভাৱ অভিযোগৰ ওপৰত আলোচনা কৰা ।
৬। অষ্ট্ৰিয়া আৰু প্ৰুছিয়াৰ ইহুদী নাগৰিকসকলৰ ওপৰত ব্যৱস্থা গ্ৰহণ ।
৭। মৈত্ৰীসংঘৰ অন্তৰ্গত ৰাষ্ট্ৰসমূহত প্ৰশাসনিক, ধৰ্মীয় আৰু বিচাৰ সম্পৰ্কীয় সংস্কাৰ সাধনৰ বাবে কমিটি গঠন কৰা ইত্যাদি ।
প্ৰথম অৱস্থাত মৈত্ৰীসংঘৰ সদস্যসকলে একত্ৰিত হৈ যিকোনো কাৰ্য সম্পাদনৰ চেষ্টা চলাইছিল । কিন্তু ক্ৰমে ব্যক্তিগত স্বাৰ্থ আহি পৰিলেই যিকোনো ৰাষ্ট্ৰই হয় মৈত্ৰীসংঘৰ কাৰ্যৰ পৰা পিছহোঁহকা দিছিল নহয় এই কাৰ্যত বাধা প্ৰদান কৰিছিল । ইয়াৰ ফলত মৈত্ৰীসংঘৰ কাৰ্যত বিশৃংখলতাই দেখা দিয়াৰ লগতে ই সাংগঠনিক দিশত দুৰ্বল হৈ আহিছিল । উদাহৰণস্বৰূপে চোৰ-ডকাইতসকলক দমন কৰাৰ ক্ষেত্ৰত ইংলেণ্ডে বাধা প্ৰদান কৰিছিল । কাৰণ তাৰ ফলত ৰাছিয়াৰ জাহাজে ভূমধ্য সাগৰীয় অঞ্চলত আধিপত্য বিস্তাৰ কৰিছিল ।
২। ১৮৩০ চনৰ বিপ্লৱৰ কাৰণ আৰু ফলাফলসমূহ বৰ্ণনা কৰা।
১। দশম চালৰ্চৰ অত্যাচাৰ ।
২। ৰাজনৈতিক দলসমূহৰ মাজৰ অৰিয়াঅৰি ।
৩। মধ্যমপন্থী ৰয়েলিষ্টসকলৰ নীতি ।
৪। উগ্ৰ ৰয়েলিষ্টসকলৰ প্ৰতিক্ৰিয়াশীল শাসন
৫। তৎকালীন কাৰণ ।
১। দশম চালৰ্চৰ অত্যাচাৰ ঃ নেপোলিয়নৰ পতনৰ পাছত ভিয়েনা কংগ্ৰেছৰ বন্দোবস্ত অনুসৰি বুৰবন বংশৰ অষ্টাদশ লুইক সিংহাসনত বহুওৱা হয় । এওঁৰ শাসনকালত ফ্ৰান্সৰ ৰাজতান্ত্ৰিক লোকসকল স্বদেশলৈ ঘুৰি আহে আৰু ৰাজতন্ত্ৰ প্ৰতিষ্ঠাৰ পাছত ফ্ৰান্সত পুনৰ স্বেচ্ছাচাৰী শাসন আৰম্ভ হয় । অষ্টাদশ লুইৰ পৰৱৰ্তী সম্ৰাট দশম চাৰ্লচৰ দিনত এই অত্যাচাৰৰ সীমা চেৰাই যোৱা পৰিলক্ষিত হয় । দশম চালৰ্চৰ বিপ্লৱৰ সম্পূৰ্ণ বিৰোধী আছিল । ফচাৰী বিপ্লৱ চলি থকা অৱস্থাতে তেওঁ বিদেশলৈ পলায়ন কৰিছিল । সেই বিদেশত থকা সময়ছোৱাত তেওঁ বিদ্ৰোহী ৰাজতান্ত্ৰিক আৰু বিপ্লৱবিৰোধী শক্তিসমূহৰ লগ-লাগি ফ্ৰান্সত পুনৰ ৰাজতন্ত্ৰ প্ৰতিষ্ঠাৰ কুচকাৱাজ চলাই থাকিল । বিপ্লৱ শাম কটাৰ পাছত তেওঁ স্বদেশলৈ প্তত্যাৱৰ্তন কৰে । সম্ৰাট হোৱাৰ পাছত তেওঁ উদাৰপন্থী আৰু বিপ্লৱীসকলৰ ওপৰত অত্যাচাৰ আৰম্ভ কৰে । তেওঁ যাজক আৰু অভিজাতসকলক পূৰ্বৰ পদবীসমূহ ঘুৰাই দিয়াৰ লগতে ফৰাচী বিপ্লৱৰ সময়ত হোৱা ক্ষতিৰ বাবে ক্ষতিপূৰণ আদায় দিয়ে । প্ৰশাসনৰ সকলো ক্ষেত্ৰতে এইউচ্চশ্ৰেণীৰ লোকসকল উঠিৰজা-বহিৰজা হৈ পৰা আৰম্ভ হয় ।
৫। তৎকালীন কাৰণ ঃ সম্ৰাট দশম চালৰ্চৰ ৰাজত্বকালত ফ্ৰান্সৰ ৰাজনৈতিক পৰিস্থিতি অত্যন্ত বেয়া হৈ পৰিছিল । ইফালে পলিগনাকৰ কাৰ্যত অসন্তুষ্ট হৈ জনসাধৰাণে তেওঁৰ অপসাৰণৰ দাবী তুলিছিল । কিন্তু ইয়াৰ পৰিৱৰ্তে সম্ৰাট দশম চালৰ্চে ১৮৩০ চনৰ ২৫ জুলাইত এখন কঠোৰ অধ্যাদেশ জাৰি কৰে । এই অধ্যাদেশৰ চাৰিটা কঠোৰ দমনমূলক নীতি আছিল
ক) সংবাদ পত্ৰৰ স্বাধীনতা হ্ৰাস কৰা ।
খ) চেম্বাৰ অব ডেপুটিজ বা পাৰ্লিয়ামেন্ট ভাগ কৰা ।
গ) সম্পত্তিৰ ভিত্তিত ভোটাধিকাৰৰ ব্যৱস্থা কৰা, আৰু
ঘ) নতুন ভোটাধিকাৰৰ ভিত্তিত নিৰ্বাচন অনুষ্ঠিত কৰা ।
১৮৩০ চনৰ বিপ্লৱৰ ফলাফলসমূহ আছিল
ক) ফৰাচী বিপ্লৱ আৰু ১৮৩০ চনৰ বিপ্লৱৰ দ্বাৰা অনুপ্ৰাণিত হৈ পৰৱৰ্তী পৰ্যায়ত ইটালী আৰু জাৰ্মানীতো কিছুমান সৰু-সুৰা বিপ্লৱ সংঘটিত হৈছিল ।
খ) ফ্ৰান্সত বুৰবন বংশৰ শাসনৰ অন্ত পৰিছিল ।
গ) ফ্ৰান্সত অৰ্লিয়েন্স বংশৰ শাসন আৰম্ভ হৈছিল ।
ঘ) লুই ফিলিপিৰ অৰ্লিয়েন্স বংশৰ শাসনৰ লগে-লগে ফ্ৰান্সৰ প্ৰশাসনত গণতান্ত্ৰিক ভাৱধাৰাৰ প্ৰৱেশ ঘটিছিল ।
ঙ) ফ্ৰান্সৰ জনসাধাৰণ অত্যাচাৰী শাসকৰ শাসনৰ পৰা মুক্ত হৈছিল ।
চ) ধৰ্মৰ ক্ষেত্ৰত সকলো লোকে সমান হিচাপে গণ্য হৈছিল ।
৩। ১৮৪৮ চনৰ বিপ্লৱৰ বিষয়ে এটি টোকা লিখা।
(Write a note on the Revolution of 1848.)
১৮৪৮ চনৰ বিপ্লৱৰ কাৰণ
ফ্ৰান্সৰ ১৮৪৮ চনৰ বিপ্লৱৰ প্ৰধান কাৰণসমূহ আছিল
১। মধ্যবিত্ত শ্ৰেণীৰ আধিপত্।
২। লুই ফিলিপিৰ পতন ।
৩। ৰাজনৈতিক দলসমূহৰ সংগঠনৰ অভাৱ ।
৪। সমাজবাদৰ বিকাশ ইত্যাদি ।
১। মধ্যবিত্ত শ্ৰেণীৰ আধিপত্য ঃ ১৮৩০ চনৰ বিপ্লৱৰ পাছত লুই ফিলিপিক ফ্ৰান্সৰ শাসনত বহুৱাই যি শাসন প্ৰণালীত প্ৰতিষ্ঠা কৰা হৈছিল , সেই শাসনত পূৰ্বৰ ৰাজতান্ত্ৰিক স্বেচ্ছাচাৰিতাৰ সলনি গণতান্ত্ৰিক মতাদৰ্শৰে পূৰ্ণ এক ৰাজতান্ত্ৰিক শাসন ব্যৱস্থাহে পৰিলক্ষিত হৈছিল । এই শাসনত মধ্যবিত্ত শ্ৰেণীটোৰ প্ৰভাৱ যথেষ্ট বৃদ্ধি পাইছিল । ১৮৩০ চনৰ বিপ্লৱৰ পাছত সকলো ৰাজনৈতিক দলৰ সন্মতিক্ৰমে লুই ফিলিপিক ৰাজপাটত বহুওৱা হৈছিল । স্বাভাৱিকতে এইজন সম্ৰাটে প্ৰতিটো ৰাজনৈতিক দলৰ স্বাৰ্থৰ প্ৰতি সচেতন হবলগীয়া হৈছিল । ইফালে ফ্ৰানসৰ ভোটাধিকাৰ ক্ষেত্ৰত কেৱল ধনী মধ্যবিত্ত শ্ৰেণীয়েহে ভোট দিয়াৰ অধিকাৰ থকাত চেম্বাৰ অব ডেপুটিজ এই মধ্যবিত্তসকলৰ দখলত আছিল ।
২। লুই ফিলিপিৰ পতন ঃ লুই ফিলিপিৰ শাসনে ফ্ৰান্সৰ জনসাধাৰণক অতীষ্ঠ কৰি তুলিছিল . অতি কম সময়ৰ ভিতৰতে এইজনা সম্ৰাট মধ্যবিত্তসকলৰ অধীন হৈ পৰিছিল । নিজৰ গাদী ৰক্ষাৰ বাবে এইজন শাসকে সকলোবোৰ ৰাজনৈতিক দলক সন্তুষ্ট কৰিবলৈ যাওতে বাস্তৱ ক্ষেত্ৰত ফ্ৰান্সত এক ৰাজনৈতিক বিশৃংখলতাৰ সৃষ্টি হৈছিল ।
৩। ৰাজনৈতিক দলসমূহৰ সাংগঠনৰ অভাৱ ঃ ফৰাচী বিপ্লৱৰ পাছত ফ্ৰান্সত কেইবাটাও ৰাজনৈতিক দলৰ প্ৰভাৱ বৃদ্ধি পাইছিল । কিন্তু এই দলসমূহৰ সাংগঠনিক দিশটো বিশেষ শক্তিশালী হোৱা যেন দেখা নগৈছিল । তদুপৰি এই দলসমূহৰ মাজত কোনোধৰণৰ একতা বা মিত্ৰতাৰ ভাব নাছিল । পৰিস্থিতি সাপেক্ষে তেোঁলোক সহমতত উপস্থিত হলেও সুবিধা পালেই নিজ নিজ দলৰ কাৰ্যসিদ্ধিৰ বাবে উঠি-পৰি লাগিছিল ।
৪। সমাজবাদৰ বিকাশ ঃ শিল্প বিপ্লৱৰ পাছৰ পৰাই ইউৰোপত সমাজবাদৰ বিকাশ ঘটিছিল । এই শিল্প বিপ্লৱৰ ফলত মানুহৰ সলনি মেচিনৰ সহায়ত উৎ,পাদন কৰিবলৈ লোৱাৰ পৰা বহুতো লোক কৰ্মহীন হৈ নিবনুৱা সমস্যাৰ সৃষ্টি হৈছিল । এই সাধাৰণ শ্ৰেণীৰ জীৱনযাত্ৰা পিৰণালীৰ উন্নয়নৰ বাবে সমাজবাদৰ বিকাশ হৈছিল । ফ্ৰান্সত সমাজবাদৰ নেতৃত্ব দিছিল লুইচ ব্লেংকে । ফ্ৰান্সত লুই ফিলিপিৰ শাসনকালত কেৱল উচ্চশ্ৰেণীৰ লোকসকলেহে অধিক সুবিধা পোৱা আৰু ৰাজনৈতিক দলসমূহৰ সুবিধাবাদী চৰিত্ৰৰ বাবে হোৱা প্ৰশাসনিক বিশৃংখলতা আঁতৰাই ফ্ৰান্সৰ গণতান্ত্ৰিক প্ৰশাসন প্ৰতিষ্ঠাৰ বাবে ১৮৪৮ চনৰ বিপ্লৱ সংঘটিত হৈছিল ।
Author Ali rani kakati ( Ba in History Major)
Question Type- Jit Bora
