পাঠঃ ১৩
প্ৰাক্ ঐতিহাসিক অসম
(১) বৰ্তমান তেজপুৰক অতীতত কি বোলা হৈছিল ?
উত্তৰঃ-- বৰ্তমান তেজপুৰক অতীতত শোণিতপুৰ বোলা হৈছিল ।
(২) বাণ ৰজাৰ জীয়েকৰ নাম কি আছিল ?
উত্তৰঃ-- বাণ ৰজাৰ জীয়েকৰ নাম আছিল- ঊষা ।
(৩) বাণ ৰজা কি ভক্ত আছিল ?
উত্তৰঃ-- বাণ ৰজা শিৱভক্ত আছিল ।
(৪) ঊষাক কোনে বিয়া কৰাইছিল ?
উত্তৰঃ-- ঊষাক শ্ৰীকৃষ্ণৰ নাতি অনিৰুদ্ধই বিয়া কৰাইছিল ।
(৫) অতীতৰ কুণ্ডিল নগৰক বৰ্তমান কি নামেৰে জনা যায় ?
উত্তৰঃ-- অতীতৰ কুণ্ডিল নগৰক বৰ্তমান শদিয়া নগৰ বুলি জনা যায় ।
(৬) ভীষ্মক ৰজাৰ জীয়েকৰ নাম কি ?
উত্তৰঃ-- ভীষ্মক ৰজাৰ জীয়েকৰ নাম হ'ল- ৰুক্মিণী ।
(৭) ৰুক্মিণীৰ পাণি কোনে গ্ৰহণ কৰিছিল ?
উত্তৰঃ-- ৰুক্মিণীৰ পাণি শ্ৰীকৃষ্ণই গ্ৰহণ কৰিছিল ।
(৮) শ্ৰীকৃষ্ণ আৰু ৰুক্মিণীৰ বিবাহৰ ঘটনাক লৈ কোনে 'ৰুক্মিণী হৰণ' নাটক ৰচনা কৰিছিল ?
উত্তৰঃ-- শ্ৰীকৃষ্ণ আৰু ৰুক্মিণীৰ বিবাহৰ ঘটনাক লৈ মহাপুৰুষ শংকৰদেৱে 'ৰুক্মিণী হৰণ' নাটক ৰচনা কৰিছিল ।
(৯) কামৰূপৰ প্ৰথম ঐতিহাসিক ৰজাজনৰ নাম কি ?
উত্তৰঃ-- কামৰূপৰ প্ৰথম ঐতিহাসিক ৰজাজনৰ নাম হ'ল- নৰকাসুৰ ।
(১০) প্ৰাগজ্য়োতিষ ৰাজ্য়ৰ প্ৰথম ৰজা কোন আছিল ?
উত্তৰঃ-- প্ৰাগজ্য়োতিষ ৰাজ্য়ৰ প্ৰথম ৰজা মহীৰঙ্গ দানৱ আছিল ।
(১১) বৰ্মণ বংশৰ প্ৰতিষ্ঠাতা কোন ?
উত্তৰঃ-- বৰ্মণ বংশৰ প্ৰতিষ্ঠাতা পুষ্য় বৰ্মণ ।
(১২) ভাস্কৰ বৰ্মণৰ সৈতে কাৰ সু-সম্পৰ্ক আছিল ?
উত্তৰঃ-- ভাস্কৰ বৰ্মণৰ সৈতে উত্তৰ ভাৰতৰ সম্ৰাট হৰ্ষবৰ্ধনৰ সু-সম্পৰ্ক আছিল ।
(১৩) হিউৱেন চাঙে ক'ত বৌদ্ধ ধৰ্ম সম্পৰ্কে চৰ্চা কৰিছিল ?
উত্তৰঃ-- হিউৱেন চাঙে নালন্দা বিশ্ববিদ্য়ালয়ত বৌদ্ধ ধৰ্ম সম্পৰ্কে চৰ্চা কৰিছিল ।
(১৪) শালস্তম্ভসকলে কামৰূপত ৰাজত্ব কৰি থকাৰ সময়ত ভাৰতলৈ অহা চীনা পৰিব্ৰাজকজনৰ নাম কি ?
উত্তৰঃ-- শালস্তম্ভসকলে কামৰূপত ৰাজত্ব কৰি থকাৰ সময়ত ভাৰতলৈ অহা চীনা পৰিব্ৰাজকজনৰ নাম হ'ল- ইৎচিং ।
(১৫) যোগিনী তন্ত্ৰমতে কামৰূপ ৰাজ্য়খন কেইটা ভাগত বিভক্ত আছিল ? সেই ভাগকেইটাৰ নাম কি কি ?
উত্তৰঃ-- যোগিনী তন্ত্ৰমতে কামৰূপ ৰাজ্য়খন চাৰিটা ভাগত বিভক্ত আছিল । আৰু সেইভাগকেইটাৰ নাম হ'ল-- (১) ৰত্নপীঠ, (২) কামপীঠ, (৩) স্বৰ্ণপীঠ আৰু (৪) সৌমাৰপীঠ ।
