পাঠঃ ২০
অৰ্থনৈতিক উন্নয়নত চৰকাৰৰ ভূমিকা
(১) বৰ্তমান অসমত মুঠ ৰাষ্ট্ৰীয় ঘাইপথ কেইটা ?
উত্তৰঃ-- বৰ্তমান অসমত মুঠ ৰাষ্ট্ৰীয় ঘাইপথ ৩৮ টা ।
(২) এই ঘাইপথবোৰে ৰাজ্যখনৰ মুঠ কিমান কিঃ মিঃ দৈৰ্ঘ্যৰ পথ সামৰি লৈছে ?
উত্তৰঃ-- এই ঘাইপথবোৰে ৰাজ্যখনৰ মুঠ ৩৭৮৭.২০৭ কিঃ মিঃ দৈৰ্ঘ্যৰ পথ সামৰি লৈছে ।
(৩) দেশ এখনৰ মুৰব্বী অনুষ্ঠান কোন ?
উত্তৰঃ-- চৰকাৰ হ'ল দেশ এখনৰ মুৰব্বী অনুষ্ঠান ।
(৪) যোচেফ কি শ্ৰেণীৰ ছাত্ৰ ?
উত্তৰঃ-- যোচেফ ষষ্ঠ শ্ৰেণীৰ ছাত্ৰ ।
(৫) যোচেফে কাৰ লগত পেহীয়েকৰ ঘৰলৈ গৈছিল ?
উত্তৰঃ-- যোচেফে দেউতাকৰ লগত পেহীয়েকৰ ঘৰলৈ গৈছিল ।
(৬) আমাৰ দেশৰ প্ৰধান জীৱিকা কি ?
উত্তৰঃ-- আমাৰ দেশৰ প্ৰধান জীৱিকা হ'ল- ধান ।
(৭) সমাজৰ বিকাশ আৰু উন্নতিৰ মূল আহিলা কি ?
উত্তৰঃ-- সমাজৰ বিকাশ আৰু উন্নতিৰ মূল আহিলা হৈছে- শিক্ষা ।
(৮) চৰকাৰৰ মূল লক্ষ্য কি ?
উত্তৰঃ-- দেশৰ উন্নয়ন আৰু জনসাধাৰণৰ কল্যাণ সাধন কৰাটোৱে হ'ল চৰকাৰ এখনৰ মূল লক্ষ্য ।
(৯) আমাৰ দেশৰ কিমান শতাংশ লোক কৃষি কৰ্মত নিয়োজিত ?
উত্তৰঃ-- আমাৰ দেশৰ ৭০ শতাংশতকৈও অধিক লোক কৃষি কৰ্মত নিয়োজিত ।
(১০) আমাৰ দেশত কিমান বছৰৰ পৰা কিমান বছৰৰ শিশুক বিনামূলীয়া শিক্ষা প্ৰদান কৰিছে ?
উত্তৰঃ-- আমাৰ দেশত ৬ বছৰৰ পৰা ১৪ বছৰৰ শিশুক বিনামূলীয়া শিক্ষা প্ৰদান কৰিছে ।
(১১) নমিতাই গৰমৰ বন্ধত কাৰ ঘৰলৈ গৈছিল ?
উত্তৰঃ-- নমিতাই গৰমৰ বন্ধত আইতাকৰ ঘৰলৈ গৈছিল ।
(১২) ব্ৰহ্মপুত্ৰ নদৰ ওপৰত কেইখন দলং আছে ?
উত্তৰঃ-- ব্ৰহ্মপুত্ৰ নদৰ ওপৰত তিনিখন দলং আছে ।
(১৩) সেই তিনিখন দলঙৰ নাম কি ?
উত্তৰঃ-- সেই তিনিখন দলঙৰ নাম হ'ল- ধলা শদিয়াৰ ড॰ ভূপেন হাজৰিকা সেতু , শৰাইঘাটৰ কাষৰ দ্বিতীয় দলং আৰু আনহাতে বগীবিল দলং ।
(১৪) আন্তঃগাঁথনি মানে কি ?
উত্তৰঃ-- আন্তঃগাঁথনি মানে হ'ল- কোনো কাৰ্য কৰিবৰ বাবে বুনিয়াদী আৰু অত্যন্ত আৱশ্যকীয় সা-সুবিধা, যিবিলাকৰ অবিহনে অৰ্থনৈতিক উন্নয়ন সম্ভব হ'ব নোৱাৰে ।
(১৫) ৰাষ্ট্ৰীয় আয় বৃদ্ধি হোৱা মানে দেশ এখন কি হোৱা বুজায় ?
উত্তৰঃ-- ৰাষ্ট্ৰীয় আয় বৃদ্ধি হোৱা মানে দেশ এখন উন্নতিৰ পথত অগ্ৰসৰ হোৱা ।
