ইশ্বৰ
নিচিনো তোমাক ক'ত আছা প্ৰভু
আমি অতি সৰু ল'ৰা।
চিয়ঁৰি চিয়ঁৰি মাতিলে তোমাক
নামাতা দূৰৈৰ পৰা ।।
নাজানো তোমাক মিনতি কৰিব
আমি অতি সৰু ল'ৰা ।
আছানেকি প্ৰভূ সৰগত তুমি
হই জোন বেলি তৰা ।।
নুবুজোঁ তোমাৰ মৰমৰ মাত
আমি অতি সৰু ল'ৰা ।
ৰিণিকি ৰিণিকি সুৰ এটি আছে
জানো ক'ৰবাৰ পৰা ।।
তথাপি তোমাক ভাল পাওঁ প্ৰভু
আমি অতি সৰু ল'ৰা ।
তোমাৰ চেনেহ দয়াৰ আমাৰ
বুকুখনি থাকে ভৰা ।।
নোৱাৰাঁ বুজিব তৌমাৰ মহিমা
আমি অতি সৰু ল'ৰা ।
বিলোৱা হিয়াত মৰমৰ জেউতি
নিতে আঁতৰৰ পৰা ।