লক্ষ্মীনাথ বেজবৰুৱাৰ গীত
১/ জাতীয় সংগীত
অ’ মোৰ আপোনাৰ দেশ!
অ’ মোৰ চিকুণি দেশ!
এনেখন শুৱলা,
এনেখন সুফলা,
এনেখন মৰমৰ দেশ !!
অ’ মোৰ সুৰীয়া মাত!
অ’ মোৰ অসমী আই!
পৃথিৱীৰ কতো
বিচাৰি জনমটো
নোপোৱা কৰিলেও পাত।।
অ’ মোৰ ওপজা ঠাই!
অ’ মোৰ অসমী আই!
চাই লওঁ তোমাৰ
মুখখনি এবাৰ
হেপাহ মোৰ পলোৱা নাই।
২/সখী হে! কি ক’ম দুখৰ কথা
অমৃত মথোতে বিষ উপজিল,
মিঠা মৌ হ’ল তিতা।
মালতীৰ চাকি খোপাত পিন্ধিলো,
তাৰো গ’ল পাহি সৰি,
সোণৰ সঁজাতে পখীটি ৰাখিলোঁ,
সিও গুচি গ’ল উৰি।
সঁজাতে ফুলিলে তগৰ ফুলেপাহি
সন্ধিয়াৰে বা পাই।।
কোনেও নেদেখোতে কোনেও নুশুনোতে
সিয়ো য়ে লেৰেলি য়ায়।।
মালতীৰ চাকি খোপাত পিন্ধিলো,
তাৰো গ’ল পাহি সৰি,
সোণৰ সঁজাতে পখীটি ৰাখিলোঁ,
সিও গুচি গ’ল উৰি।
৩/পৰ্বতৰ ঢেঁকীয়া লিহিৰী পতীয়া
পৰ্বতৰ ঢেঁকীয়া লিহিৰী পতীয়া
বতাহতে হালে জালে।
অ’ মোৰ পখিলী অ’…
ক’লা আকাশত বগে জাক পাতি
উৰা মাৰে ক’ৰবালে।।
অ’ মোৰ পখিলী অ’...
পখিলী উৰিলে উৰিব ডালিমী
লগৰে লগৰী পাই। অ’ মোৰ পখিলী অ’...
মনৰে ঘোঁৰাটি ছুটি মেলি যাব,
ক’লৈনো উৱা দিহ নাই। নাই।।
অ’ মোৰ পখিলী অ’...
৪/ সখী কোনেনো বজায়
সখী কোনেনো বজায়?
সন্ধিয়াৰ বায়ুত শুনা
সেই সুৰ উটি যায়
সখী নোনেনো বজায়?
যমুনাৰ কুলু গান
আকুল কৰিছে প্ৰাণ।
নূপুৰৰ ৰুণুজুনু
শনা তাতে মিলি যায়।।
ভোমোৰাৰ গোজৰ জানো
বাঁহীৰ মাজে ওলাইছে।
কুলিৰ পঞ্চম কু-উ
তাতে কিবা মিলিছে।
বন-মালাৰ গোন্ধ;
আকাশত হাঁহে বিধু;
আদৰিবন্ধুক আনা,
মিছাতে সময় যায।।
কোনেনো বজায়?
Post ID : DABP006671
