ভূপৃষ্ঠৰ পৰিৱৰ্তনৰ বাহ্যিক কাৰক
ভূপৃষ্ঠত বাহ্যিক কাৰকবোৰে মূলত ঃ বাহিৰৰপৰা ক্ৰিয়া কৰে । এই কাৰকবোৰৰ উৎস সূৰ্য আৰু বায়ুমগুল বুলি কব পাৰি। বাহ্যিক কাৰকবোৰৰ ভিতৰত সৌৰশক্তি বতাহ বৰষুণ নদী হিমবাহ আৰু সাগৰৰ ঢৌ প্ৰধান। তদুপৰি ভূপৃষ্ঠত থকা গছ - গছনি জীৱ - জন্তু আদি জৈৱিক কাৰকেও ভূুপৃষ্ঠৰ পৰিৱৰ্তনত কম - বেছি পৰিমাণে অৰিহণা যোগায় ।
ভূপৃষ্ঠৰ পৰিৱৰ্তন সাধন কৰি থকা বাহ্যিক কাৰকসমূহৰ ধৰ্ম আৰু শক্তি সকলো স্থান আৰু কালত একে নহয় । ভূপৃষ্ঠৰ বেলেগ বেলেগ অঞ্চলত আৰু বেলেগ বেলেগ সময়ত সেইবোৰৰ ক্ৰিয়া পাৰ্থক্য ঘটে । আজিপৰা দুই নিযুত বছৰ পূৰ্বে,অৰ্থাৎ হিম যুগত পৃথিৱীৰ উপৰিভাগৰ বহু অংশ তুষাৰে ঢাকি ৰাখিছিল । সেই সময়ত হিমবাহ কাৰ্য যিমান ব্যাপক আছিল, বৰ্তমান সিমান নহয় । ভৱিষ্যতেও গোলকীয় উত্তাপ বৃদ্ধিৰ ফলত হিমবাহৰ কাৰ্যৰ লক্ষণীয় পৰিৱৰ্তন ঘটাৰ সম্ভৱনা আছে ।
মন কৰিবলগীয়া কথা একোটা অঞ্চলত ভূপৃষ্ঠৰ পৰিৱৰ্তনৰ ক্ষেত্ৰত বিশেষ একোটা প্ৰক্ৰিয়াইহে প্ৰাধান্য লাভ কৰা দেখা যায় । সাধাৰণতে বেছি বৰষুণ হোৱা অঞ্চলত নদীৰ কাৰ্য অতি কম বৰষুণ হোৱা মৰুভূমি অঞ্চলত বতাহৰ কাৰ্য দুই মেৰু অঞ্চলৰ লগতে অতি উচ্চ পাৰ্বত্য অঞ্চলত হিমবাহৰ অঞ্চলত হিমবাহৰ কাৰ্য আৰু সাগৰ- মহাসাগৰৰ উপকূল অঞ্চলত ঢৌ কাৰ্যই প্ৰধান ভূমিকা পালন কৰে । এইবোৰ কাৰকে সংশ্লিষ্ট অঞ্চলবোৰৰ ভূপৃষ্ঠৰ পৰিৱৰ্তন সাধন কৰি বিশেষ কিছুমান স্থলাকৃতিৰ সৃ্ষ্টি কৰে । উল্লেখযোগ্য যে এই আটাইবোৰেই হৈছে ভূপৃষ্ঠৰ পৰিৱৰ্তনকাৰী বাহ্যিক কাৰক ।
Type Sumit Patar.
Class 9 Social Science.
Post ID : DABP005735
