পাঠঃ ২
পৃথিৱীৰ অভ্য়ন্তৰ ভাগ
(১) আজিৰ পৰা প্ৰায় কিমান বছৰ আগতে পৃথিৱীখনৰ সৃষ্টি হৈছিল ?
উত্তৰঃ-- আজিৰ পৰা প্ৰায় ৪৫০ কোটি বছৰ আগতে পৃথিৱীখনৰ সৃষ্টি হৈছিল ।
(২) ভূত্বক কাক বোলে ?
উত্তৰঃ-- পৃথিৱীৰ উপৰিভাগৰ কঠিন আৱৰণটোক ভূত্বক বুলি কোৱা হয় ।
(৩) পৃথিৱীখনৰ ব্য়াসাৰ্ধ কিমান কিল'মিটাৰ ?
উত্তৰঃ-- পৃথিৱীখনৰ ব্য়াসাৰ্ধ ৬,৩৭৮ কিল'মিটাৰ ।
(৪) ভূ-বিজ্ঞানীসকলে অনুমান কৰা মতে পৃথিৱীৰ কেন্দ্ৰভাগৰ উত্তাপ কিমান ?
উত্তৰঃ-- ভূ-বিজ্ঞানীসকলে অনুমান কৰা মতে পৃথিৱীৰ কেন্দ্ৰভাগৰ উত্তাপ ৬০০০॰ চেলছিয়াছতকৈ বেছি ।
(৫) পৃথিৱীৰ পৃষ্ঠৰ পৰা অভ্যন্তৰ ভাগলৈ মূল কেইটা স্তৰ বা তৰপত ভাগ কৰা হৈছে ?
উত্তৰঃ-- পৃথিৱীৰ পৃষ্ঠৰ পৰা অভ্যন্তৰ ভাগলৈ মূল তিনিটা স্তৰ বা তৰপত ভাগ কৰা হৈছে ।
(৬) এই তিনিটা স্তৰৰ নাম কি ?
উত্তৰঃ-- এই তিনিটা স্তৰৰ নাম (১) ভূত্বক, (২) গুৰুমণ্ডল, (৩) কেন্দ্ৰ মণ্ডল ।
(৭) ফলক কাক বোলে ?
উত্তৰঃ-- পৃথিৱীৰ খোলা কেইটামান ভাগত বিভক্ত । ইয়াৰ প্ৰতিটো ভাগক ফলক বোলে ।
(৮) পৃথিৱীৰ মুঠ আয়তনৰ ভূত্বক, গুৰুমণ্ডল আৰু কেন্দ্ৰমণ্ডল কিমান শতাংশৰে আৱি আছে ?
উত্তৰঃ-- পৃথিৱীৰ মুঠ আয়তনৰ ০.৫ শতাংশ ভূত্বক, ১৬.০ শতাংশ গুৰুমণ্ডল আৰু ৮৩.০ শতাংশ কেন্দ্ৰমণ্ডল ।
(৯) ভূত্বকত থকা মূল পদাৰ্থসমূহ কি কি ?
উত্তৰঃ-- অক্সিজেন, ছিলিকন, আইৰণ, এলুমিনিয়াম, কেলছিয়াম, ছ'ডিয়াম, পটাছিয়াম, মেগনেছিয়াম আদি ।
(১০) ভূ-ত্বকৰ প্ৰায় কিমান শতাংশ এনেবোৰ পদাৰ্থৰে গঠিত ?
উত্তৰঃ-- ভূ-ত্বকৰ প্ৰায় ৯৮ শতাংশ এনেবোৰ পদাৰ্থৰে গঠিত ।
(১১) ভূ-ত্বকৰ ঠিক তলৰ দ্বিতীয় স্তৰটোৰ নাম কি ?
উত্তৰঃ-- ভূ-ত্বকৰ ঠিক তলৰ দ্বিতীয় স্তৰটোৰ নাম গুৰুমণ্ডল ।
(১২) গুৰুমণ্ডল স্তৰটো প্ৰায় কিমান কিল'মিটাৰ ডাঠ ?
উত্তৰঃ-- গুৰুমণ্ডল স্তৰটো প্ৰায় ২,৯০০ কিল'মিটাৰ ডাঠ ।
(১৩) কেন্দ্ৰমণ্ডল স্তৰটো প্ৰায় কিমান কিল'মিটাৰ ডাঠ ?
উত্তৰঃ-- কেন্দ্ৰমণ্ডল স্তৰটো প্ৰায় ৩,৪৮৬ কিল'মিটাৰ ডাঠ ।
(১৪) উৎপত্তি অনুযায়ী শিলক কেই প্ৰকাৰত ভাগ কৰিব পাৰি ?
উত্তৰঃ--উৎপত্তি অনুযায়ী শিলক তিনি প্ৰকাৰত ভাগ কৰিব পাৰি ।
(১৫) এই তিনি প্ৰকাৰৰ শিলৰ নামসমূহ কি কি ?
উত্তৰঃ-- এই তিনি প্ৰকাৰৰ শিলৰ নামসমূহ (১) আগ্নেয় শিল, (২) গেদীয় শিল, (৩) ৰূপান্তৰিত শিল ।
(১৬) মাটিৰ জৈৱিক উপাদান বুলিলে সাধাৰণতে কাক বুজায় ?
উত্তৰঃ-- মাটিৰ জৈৱিক উপাদান বুলিলে সাধাৰণতে হিউমাছক বুজায় ।
(১৭) মাটিত প্ৰধানকৈ কেইটা উপাদান থাকে ?
উত্তৰঃ-- মাটিত প্ৰধানকৈ চাৰিটা উপাদান থাকে ।
(১৮) সেই চাৰিটা উপাদানৰ নাম কি ?
উত্তৰঃ-- সেই চাৰিটা উপাদানৰ নাম- মণিক বা খনিজ বা অজৈৱিক পদাৰ্থ, জৈৱিক পদাৰ্থ, পানী আৰু বায়ু ।
(১৯) আয়তন হিচাপে মাটিত সাধাৰণতে কিমান শতাংশ মণিক, জৈৱিক পদাৰ্থ, পানী আৰু বায়ু থাকে ?
উত্তৰঃ-- আয়তন হিচাপে মাটিত সাধাৰণতে ৪৫ শতাংশ মণিক, ৫ শতাংশ জৈৱিক পদাৰ্থ, ২৫ শতাংশ পানী আৰু ২৫ শতাংশ বায়ু থাকে ।
(২০) পৃথিৱীৰ গৰ্ভ বুলি কাক কোৱা হয় ?
উত্তৰঃ-- পৃথিৱীৰ গৰ্ভ বুলি কেন্দ্ৰমণ্ডলক কোৱা হয় ।
