পাঠ ১১
শিশুৰ বাবে ৰচিত সাহিত্য
১। চমু উত্তৰ দিয়াঃ
ক) লিখিত সাহিত্য-চৰ্চাৰ পৰম্পৰা আৰম্ভ হােৱাৰ আগতেই কোনবােৰ সাহিত্যই অসমীয়া সাহিত্যৰ ভঁৰাল চহকী কৰিছিল?
উত্তৰঃ লিখিত সাহিত্য-চৰ্চাৰ পৰম্পৰা আৰম্ভ হােৱাৰ আগতেই অনাখৰী, অনামী চহা ৰচকৰ সাহিত্যই অসমীয়া সাহিত্যৰ ভঁৰাল চহকী কৰিছিল।
খ) নিচুকনি গীত কিহক কেন্দ্ৰ কৰি ৰচিত হৈছে?
উত্তৰঃ নিচুকনি গীতসমূহ নানা তৰহৰ ফল-ফুল, চৰাই-চিৰিকটি, জীৱ-জন্তু, জোন-বেলি আদিক কেন্দ্ৰ কৰি ৰচিত হৈছে।
গ) অসমীয়া ভাষাত চলি থকা সাঁথৰসমূহ কিয় অসমীয়া মৌখিক শিশু-সাহিত্যৰ এক গুৰুত্বপূর্ণ অংগ হৈ পৰিছে?
উত্তৰঃ অসমীয়া ভাষাত চলি থকা সাঁথৰসমূহো অসমৰ শিশুসকলৰ বাবে ৰসৰ ৰহঘৰা। সেই হিচাপে এই সাঁথৰসমূহো অসমীয়া মৌখিক শিশু সাহিত্য়ৰ এক গুৰুত্বপূৰ্ণ অংগ।
ঘ) বৈষ্ণৱ যুগত সৃষ্টি হােৱা শিশু-উপযােগী গ্রন্থৰ ভিতৰত পােনতেই কোনখন গ্ৰন্থৰ নাম ল'ব পাৰি?
উত্তৰঃ বৈষ্ণৱ যুগত সৃষ্টি হােৱা শিশু-উপযােগী গ্রন্থৰ ভিতৰত পােনতেই ''কাণখোৱা'' গ্ৰন্থৰ নাম ল'ব পাৰি।
ঙ) কাণখােৱা পুথিখন কি গীতৰ আৰ্হিত ৰচনা কৰা হৈছে?
উত্তৰঃ কাণখোৱা পুথিখন নিচুকনি গীতৰ আৰ্হিত ৰচনা কৰা হৈছে।
চ) আনন্দৰাম ঢেকিয়াল ফুকনৰ দ্বাৰা ৰচিত শিশু-পাঠ্যপুথিখনৰ নাম কি?
উত্তৰঃ আনন্দৰাম ঢেকিয়াল ফুকনৰ দ্বাৰা ৰচিত শিশু-পাঠ্যপুথিখনৰ নাম হৈছে - ''অসমীয়া ল'ৰাৰ মিত্ৰ''।
ছ) মাধৱদেৱৰ ঝুমুৰাকেইখনিক বাদ দি প্ৰথম অসমীয়া শিশু নাট কোনখন আৰু ইয়াৰ নাট্যকাৰ কোন?
উত্তৰঃ মাধৱদেৱৰ ঝুমুৰাকেইখনিক বাদ দি প্ৰথম অসমীয়া শিশু নাট হৈছে ''টেটেন তামুলী'' আৰু ইয়াৰ নাট্যকাৰ হৈছে ''পদ্মনাথ গোহাঞিবৰুৱা''।
জ) কাৰ সম্পাদনাত প্রকাশ পােৱা কোনখন শিশু-আলােচনীয়ে অসমীয়া সাহিত্যৰ বাটত সবল খােজ পেলাইছিল?
উত্তৰঃ কৰুনাভিৰাম বৰুৱাৰ সম্পাদনাত প্ৰকাশ পোৱা ‘ল’ৰা বন্ধু নামৰ শিশু আলোচনীয়ে অসমীয়া সাহিত্যৰ বাটত সবল খোজ পেলাইছিল।
৩। বৈষ্ণৱ যুগত সৃষ্টি হােৱা শিশু-উপযােগী গ্রন্থৰ বিষয়ে চমুকৈ লিখা।
উত্তৰঃ বৈষ্ণৱ য়ুগত শিশুৰ মনত খোৰাক জন্মাব পৰা সাহিত্য়ৰ সৃষ্টি হৈছিল। তাৰ ভিতৰত পোনতে লেখত ল'বলগীয়া পুথিখনৰ নাম হৈছে 'কাণখোৱা'। এই পুথিখন নিচুকনি গীতৰ আৰ্হিত ৰচনা কৰা হৈছে। ৰাম-সৰস্বতীৰ 'ভীম-চৰিত'ৰ ভীমৰ চৰিত্ৰও অসমীয়া শিশু মাত্ৰৰে আমোদৰ বস্তু। ইয়াৰ উপৰি এই যুগত শিশুকেন্দ্ৰিক ভালেমান ৰচনা সৃষ্টি হৈছে।
৪। অৰুনােদই’ত বাস্তৱানুগ সাহিত্য-ৰচনা প্রকাশ হ'লেও ই আছিল বিশেষ ধর্মীয় উদ্দেশ্য সাধিবৰ বাবে ৰচিত সাহিত্য। কথাষাৰৰ তাৎপর্য ব্যাখ্যা কৰা।
উত্তৰঃ অৰুনোদই’ আমাৰ অসমীয়া ভাষাৰ প্ৰথম বাতৰি কাকত প্ৰকাশ কৰিছিল। আমেৰিকাৰ পৰা অসমত খ্ৰীষ্টান ধৰ্ম প্ৰচাৰ কৰিবলৈ অহা মিছনাৰীসকলে তেওঁলোকৰ প্ৰদান উদ্দেশ্য আছিল অসমীয়া মানুহৰ মাজত খ্ৰীষ্টান ধৰ্ম প্ৰচাৰ কৰা। সেই সময়ত অসমৰ পঢ়াশালিত অসমীয়া ভাষাৰ সলনি বঙালী ভাষা চলিছিল বাবে খ্ৰীষ্টান ধৰ্ম প্ৰচাৰত বহুতো অসুবিধা হৈছিল। গতিকে ধৰ্ম প্ৰচাৰত সুচল হবৰ বাবে ‘অৰুনোদই ‘ প্ৰকাশ কৰিছিল। সেইবাবে অৰুনোদইত বাস্তৱাবানুপ সাহিত্য ৰচনা প্ৰকাশ হলেও ই খ্ৰীষ্টান ধৰ্ম প্ৰচাৰৰ উদ্দেশ্যে ৰচিত সাহিত্য বুলি কব পাৰি।
৫। জোনাকী যুগ’ৰ শিশু-উপযােগী ৰচনাৰ বিষয়ে চমুকৈ লিখা।
উত্তৰঃ সাহিত্যৰথী লক্ষ্মীনাথ বেজবৰুৱাৰ প্ৰমুখ্য কৰি সেই যুগৰ সাহিত্যিক সকলে শিশুৰ বাবে উপযোগী হোৱাকৈ বিভিন্ন ৰচনা কৰিছিল। লক্ষ্মীনাথ বেজৱৰুৱা, হেমচন্দ্ৰগোস্ৱামী ,চন্দ্ৰকুমাৰ আগৰৱালা এই তিনিও জনক জোনাকী যুগৰ এিমূৰ্তি বুলি কোৱা হয় । তেওঁলোকৰ সহযোগতে জোনাকী যুগত শিশু উপযোগী ৰচনাৰ উন্নতি সাধন হৈছিল । কবিতা, কাহিনী, গীত, নাট , সাধুকথা, জীৱনী, আদি ভিন ভিন শাখাৰ বহুতো সাৰ্থক সৃষ্টি কৰি অসমীয়া শিশু সাহিত্যৰ প্ৰবাহমান দিশটোক শক্তি প্ৰদান কৰিছিল।
৬। প্রসংগ - সংগতি দর্শাই ব্যাখ্যা কৰাঃ
ক ) উদ্ভট কল্পনা আৰু সাংগীতিক লয় এই গীতবােৰৰ দুটি উল্লেখনীয় বৈশিষ্ট্য।
উত্তৰঃ উক্ত কথা ফাকি আমাৰ পাঠ্য পুথি আমাৰ পাঠ্য় পুথিৰ অন্তৰ্গত 'শিশুৰ বাবে ৰচিত সাহিত্য’ নামৰ পাঠৰ পৰা তুলি দিয়া হৈছে।
নিচুকনি গীত বোৰত থকা অলৌকিক কল্পনা আৰু সাংগীতি লয়ৰ কথা উল্লেখ কৰি এই কথাষাৰ কৈছে।
নিচুকনি গীত বোৰত নানা তৰহৰ ফল-ফুল, চৰাই-চিৰিকটি, জীৱ-জন্তু, জুন-বেলি আদিক কেন্দ্ৰ কৰি বহুতো অলৌকিক বৰ্ণনা বিশেষ ভাৱে দিয়া দেখা যায়। যাতে সেইবোৰ শুনি সৰু লৰা-ছোৱালীয়ে মনত আমোদ পোৱাৰ উপৰিও এটা বেলেগ ভাবৰ সৃষ্টি কৰিব পাৰি। শুনিবলৈ শুৱলা হবৰ বাবে তাত সাংগীতিক লয়ৰ সৃষ্টি কৰে। শিশু অৱস্থাত সিহঁতৰ মনবোৰ অতি সহজ সৰল আৰু কোমল হৈ থাকে। যিকোনো কথাতে অতি সহজে বিশ্বাস কৰে। গতিকে টোপনি নিয়াবলৈ কিছুমান মিছা কথাত অনেক জোৰা তাপলি দি ৰহণ সানি সিহঁতক অলৌকিক কাহিনী কিছুমান সংগতিৰ জৰিয়তে শুনোৱা যায়। এইবোৰ শুনি সিহঁতে অলৌকিক ৰাজ্য এখনলৈ গুচি যাব বিচাৰে আৰু টোপনি আহি যায়। সেইবোৰ উদ্ভট কল্পনা আৰু সাংগীতিক লয় নিচুকনি গীতৰ দুটা বৈশিষ্ট্য বুলি উল্লেখ কৰিছে।
খ ) অসমীয়া ভাষাত চলন্তি থকা সাঁথৰসমূহে অসমৰ শিশুসকলৰ বাবে ৰসৰ ৰহঘৰা।
উত্তৰঃ উক্ত কথা ফাকি আমাৰ পাঠ্য পুথি আমাৰ পাঠ্য় পুথিৰ অন্তৰ্গত 'শিশুৰ বাবে ৰচিত সাহিত্য’ নামৰ পাঠৰ পৰা তুলি দিয়া হৈছে।
অসমীয়া ভাষাত চলি থকা সাঁথৰ সমূহ সৰু সৰু লৰা-ছোৱালীৰ বাবে যে অতি আনন্দদায়ক সেই কথা লেখকে উল্লেখ কৰিছে।
পৃথিৱীত যিমানবোৰ ভাষা প্ৰচলিত আছে, সেই প্ৰতিটো ভাষাৰে কিছুমান ভাষা আছে। এই সাঁথৰ সমূহে বিশেষকৈ শিশুৰ বৰ আমোদ দিয়ে। সাঁথৰৰ জৰিয়তে শিশুৰ বুদ্ধিৰ বিকাশ ঘটে। সাঁথৰৰ উত্তৰ উলিয়াবলৈ সিহঁতে মগজুৰ ব্যৱহাৰ কৰিব লগা হয়। এই সাঁথৰ সমূহ যি সকলে ৰচনা কৰিছিল তেওঁলোকেও মগজু খটুৱাই শিশুৰ মনক আমোদ দিব পৰাকৈ সৃষ্টি কৰিছিল। শিশুসকলে ককাক-আইতাক নাইবা অন্য কোনো মানুহৰ মুখত এই সাঁথৰ সমূহ শুনিলে সিহঁতে বৰ ৰস পায় আৰু উত্তৰ উলিয়াবলৈ যত্ন কৰে। কোনে প্ৰথম সাঁথৰৰ উত্তৰ দিব পাৰিব তাকে লৈ সিহঁতৰ মাজত প্ৰতিযোগিতা হয়। এই কথাটোৱে সিহঁতৰ মনত বৰ আনন্দ প্ৰদান কৰে। সাঁথৰৰ জৰিয়তে শিশুক বহুতো শিক্ষা প্ৰদান কৰিব পাৰি। সাঁথৰৰ মাজত ৰস আছে বাবে সিহঁতে কথাবোৰৰ পৰা আমনি নাপায়। শিশুক আনন্দ প্ৰদান কৰা এই অতি উত্তম বহুমূলীয়া সাঁথৰৰ জৰিয়তে আনন্দ প্ৰদান কৰাৰ লগতে সু-শিক্ষা প্ৰদান কৰিব পাৰি।
গ ) বেজবৰুৱাৰ হাততেই বহু সাধুকথাই ন ভাষাৰ ন সাজেৰে সাজি-কাচি ওলায়।
উত্তৰঃ উক্ত কথা ফাকি আমাৰ পাঠ্য পুথি আমাৰ পাঠ্য় পুথিৰ অন্তৰ্গত 'শিশুৰ বাবে ৰচিত সাহিত্য’ নামৰ পাঠৰ পৰা তুলি দিয়া হৈছে।
ৰখৰাজ লক্ষ্মীনাথ বেজবৰুৱাৰ হাতত যে অসমীয়া সাধুকথাই প্ৰথম লিখিত ৰূপ পাইছিল আধুনিক অসমীয়া ভাষাত সেই কথাটোকে লিখকে কব বিচাৰিছে।
অসমীয়া ভাষাত সাধুকথা আগতে মৌখিক ৰূপত প্ৰচলিত আছিল। মানুহৰ মুখে মুখে ইটোৰ পৰা সিটোলৈ এই সাধুকথা বিলাক বাগৰি ফুৰিছিল।এইদৰে চলি থাকোতে মূল কাহিনীয়ে সময়ে সময়ে ৰূপ সলনি কৰিব লগা হৈছিল।কিন্তু বিংশ শতিকাৰ আৰম্ভণিতে এই মুখে মুখে চলি থকা সাধুকথাৰ জুমুঠিটো সংগ্ৰহ কৰি বাকী সকলোখিনি নিজে সজাই পৰাই লৈ ৰহণ সানি সুন্দৰকৈ অসমীয়া মানুহৰ আগত দাঙি ধৰে। “বুঢ়ী আইৰ সাধু”, “ককাদেউতা আৰু নাতি লৰা”, আৰু “জুনুকা” এই তিনিখন বেজবৰুৱাৰদেৱৰ অতি সুন্দৰ নজনা-নপমা সাধুকথা বুলি কব পাৰি।
১০। বিপৰীত শব্দ লিখাঃ
উৎকৃষ্ট = নিকৃষ্ট।
আকর্ষণ = বিকৰ্ষণ।
আশা = নিৰাশা।
উপযােগী = অনুপযোগী।
১১। লিংগ পৰিৱৰ্তন কৰা।
বাঘঃ বাঘিনী।
শিয়ালঃ শিয়ালী।
বান্দৰঃ বান্দৰী ।
ৰজাঃ ৰাণী ।
ৰাক্ষসঃ ৰাক্ষসী।
কাউৰীঃ কোৱা ।
দঁতালঃ মাখুন্দী
অজলাঃ আজলি।
দমৰাঃ কাঢ়লী।
কঁজলাঃ কাঁজলি।
ঘঁৰিয়াল ঃগুই ।
ভালুকঃ ভালুকী ।
শিক্ষকঃ শিক্ষয়িত্ৰী।
-Hiru moni Bora
Spelling check by - MUKESH BORAH
-------------------------------
বেলেগ ধৰণৰ উত্তৰ পাবলৈ তলত দিয়া লিংক টোত ক্লিক কৰক
-------------------------------
Post ID : DABP005902
