হস্তীৰ কন্যা হস্তীৰ কন্যা...
হস্তীৰ কন্যা, হস্তীৰ কন্যা, বামোণেৰ নাৰী,
মাথায় নিয়া তাম-কলসী ও,
(সখী) হস্তে সোণাৰ ঝাৰি (সখীও)।
ও মোৰ হায় হস্তীৰ কন্যাৰে,
খানিকো দয়া নাই মাহুতক লাগিয়া ৰে।
পাত্তিৰা কৰিয়া কন্যা বাড়েয়া দিলেন পাও,
মাথাৰ উপৰ কাল-জেঠী ও—
(সখী) কৰে পঞ্চৰাও (সখীও)
বালুতিল্তিল্ পঙ্খী কান্দে বালুতে পৰিয়া,
গৌৰীপুৰীয়া মাহুত কান্দে ও—
(সখী) ঘৰ-বাড়ি ছাড়িয়া (সখীও)
আই ছাড়িল, বাই ছাড়িলং, ছাড়িলং সোণাৰ পুৰী,
বিয়াও কৰিয়া ছাড়িয়া আইলং ও—
(সখী) অল্প বয়সেৰ নাৰী (সখীও)।
ও মোৰ দান্তাল হাতীৰ মাহুত ৰে,
যেদিন মাহুত শিখাৰ যায়
নাৰীৰ মন মোৰ ঝুৰিয়া ৰয় ৰে।
আকাশতে নাইৰে চন্দ্ৰ কি কৰে তাৰা।
যেবা নাৰীৰ স্বামী নাই ৰে—
ও তাৰ দিনে আন্ধিয়াৰা (সখীও)।
পুখুৰীতে নাইৰে পানী নৌকা কেমন চলে,
যে নাৰীৰ পুৰুষ নাই ও-
তাৰ ৰূপে কি কাম কৰে (সখীও)।
