শিশুপাল নাপাতা জঞ্জাল
শিশুপাল নাপাতা জঞ্জাল
ৰুক্মিমী হৰিবা লাগি আছে গোপাল
বেদনিধি বোলে কণ্য়া ও ওকণ্য়া নাকান্দিবা তুমি
তোমাক লাগিয়া কৃষ্ঞ আহিব আপোনি।
মোৰ ভাই ৰুক্মবীৰ ও ওবাই কুলৰ চণ্ডাল,
মোক বিয়া দিব খোজে ৰাজা শিশুপাল।
শীঘ্ৰে আহা প্রাণনাথ নকৰা বিলম্ব।
ৰুক্মিণীৰ স্তুতি শুনি ও ওপ্রভু নাৰায়ণ,
সয়ম্বৰ মাজে আহি দিলা দৰ্শন ।
পুষ্পমালা হাতে লৈয়া ও ওসভাৰ মাজে যাই
প্ৰভুৰ গলে মালা দিলা সৱে আছা চাই
ৰথে তুলি নিলা কৃষ্ণ ও ওদ্বাৰকা নগৰী,
নিৰন্তৰে ডাকি সবে বোলা হৰি হৰি।
