মাধৱদেৱ
প্ৰশ্নাৱলীঃ
১। 'ধৰ্মগ্লানি' মানে কি?
উত্তৰঃ ব্যক্তিগত আৰু জাতীয় জীৱনৰ একো একোটা অৱস্থা আহে, যেতিয়া মানুহে নিজে উন্নতিৰ কাৰণে প্ৰস্তুত কৰা কিছুমান ৰীতি-নীতিৰে নিজক বান্ধি উন্নতিৰ পথত আগুৱাবৰ ইচ্ছা নকৰে। এই অৱস্থাকে গীতাত 'আত্মগ্লানি' বোলা হৈছে। কোনো এখন সমাজ বা দেশ এখনত যেতিয়া দশোদিশ অধৰ্মই বিৰাজ কৰে, মানৱতাৰ গুণ-গৰিমা সম্পূৰ্ণ ৰূপে ধ্বংস হ'বলৈ ধৰে, মানুহৰ মাজত ভেদাভেদৰ সৃষ্টি হয় আৰুমানৱতাক কলা ডাৱৰে ছানি ধৰে তেতিয়া ধৰ্মৰ গ্লানি হোৱা বুলি কোৱা হয়।
২। শংকৰদেৱ আৰু মাধৱদেৱৰ জীৱন দৰ্শনত কেনে ধৰণৰ পাৰ্থক্য থকা বুলি লক্ষ্মীধৰ শৰ্মাই উল্লেখ কৰিছে, বুজাই লিখা। (২০১১, ২০১৩, ২০১৫, ২০১৭)
উত্তৰঃ 'মাধৱদেৱ' শীৰ্ষৰ প্ৰবন্ধত লেখক লক্ষ্মীধৰ শৰ্মাই উল্লেখ কৰা মতে, মাধৱদেৱৰ শক্তি আৰু প্ৰতিভা শংকৰদেৱতকৈ কোনোগুনেই কম নাছিল, কিন্তু জীৱনৰ লক্ষ্যৰ বিষয়ে দুয়োৰে মত আছিল ভিন ভিন। ইহসংসাৰৰ পৰা মুক্তি দুয়ো বিচাৰে, কিন্তু শংকৰদেৱে সেই মুক্তিৰ যাত্ৰাত জীৱনৰ অন্যান্য আনুষঙ্গিক কাৰ্য্যবিলাকক বাদ দি নগৈছিল, সমাজৰ উন্নতি যাতে সকলো বিষয়তে হয় সিও তেওঁৰ চেষ্টা আছিল। শংকৰদেৱৰ আদৰ্শ আছিল মানৱ আৰু মানৱ সমাজৰ সৰ্বাঙ্গীণ উন্নতি সাধন কৰা। কিন্তু মাধৱদেৱৰ আদৰ্শ আছিল গৃহ-সংসাৰ সকলো ত্যাগ কৰি যি প্ৰকৃত সত্য বস্তু, যাৰ সাহায্যেৰে আত্মাক মুক্তি দিব পাৰি, সেই সাৰ পদাৰ্থৰ একাণপতীয়া সেৱা। শংকৰদেৱ উদাৰ আৰু মাধৱদেৱ গভীৰ, এয়ে দুয়োৰে ভিতৰৰ পাৰ্থক্য।
৩। 'মাধৱদেৱৰ ঋণ অসমীয়া জাতিয়ে কেতিয়াও পৰিশোধ কৰিব নোৱাৰে।' - কথাষাৰৰ তাৎপৰ্য বিশ্লেষণ কৰা। (২০০৯, ২০১৫, ২০১৮)
উত্তৰঃ লক্ষ্মীধৰ শৰ্মাই 'মাধৱদেৱৰ' প্ৰৱন্ধটিত উল্লেখ কৰিছে যে মহাপুৰুষ মাধৱদেৱৰ ঋণ অসমীয়া জাতিয়ে কেতিয়াও পৰিশোধ কৰিব নোৱাৰে। ইয়াৰ অৰ্থ এয়েই যে অসমীয়া জাতীয় জীৱনলৈ মাধৱদেৱে তেওঁৰ বহুমুখী জৰিয়তে মহামূল্যবান বৰঙণি দি থৈ গৈছে, যাৰ কাৰণে অসমীয়া জাতিয়ে চিৰদিন তেখেতৰ ওচৰত কৃতজ্ঞ হৈ থাকিব।
কোনো এখন সমাজ বা দেশ এখনত ধৰ্মৰ গ্লানি হয়, তেনে সময়ত ধৰ্ম পুনৰ প্ৰতিষ্ঠাৰ কাৰণে একো একোজন মহাপুৰুষ আবিৰ্ভাৱ হৈ সমাজ তথা মানুহৰ সত্য সনাতন পথত অগ্ৰসৰ হ'বলৈ শিক্ষা দিয়ে। অসমতো তেনে এক সন্ধিক্ষণতে মহাপুৰুষ শ্ৰীমন্ত শংকৰদেৱৰ আবিৰ্ভাৱ হয়। শংকৰদেৱৰ সোঁহাতস্বৰূপ আছিল মাধৱদেৱ। মাধৱদেৱৰ সহযোগ অবিহনে শংকৰদেৱৰ সেই মহান কাৰ্য কেতিয়াও সম্পূৰ্ণ নহল হেঁতেন। এটা জাতিৰ অতি প্ৰিয় বস্তু ভাষা। অসমীয়া ভাষা-সাহিত্যকো সবল, সতেজ দীপ্তিপূৰ্ণ কৰি থৈ গ'ল মাধৱদেৱেই। সমাজ, ধৰ্ম, ভাষা সকলো থকা অৱদানৰ বাবে অসমীয়া জাতিয়ে মাধৱদেৱৰ ঋণ পৰিশোধ কৰিব নোৱাৰে বুলি কোৱা হৈছে।
৪/ লক্ষ্মীধৰ শৰ্মাৰ গল্প-সাহিত্যৰ পৰিচয় দাঙি ধৰা। (২০০৯, ২০১১)
উত্তৰঃ দেশপ্ৰাণ লক্ষ্মীধৰ শৰ্মা স্বাধীনতা সংগ্ৰামী আৰু প্ৰগতিশীল লেখক আছিল। ৰাজাৰামোহন ৰায়, মহাত্মাগান্ধীৰ চিন্তাদৰ্শনৰ দ্বাৰা বিশেষভাৱে প্ৰভাৱান্বিত শৰ্মা আধুনিক সমাজৰ সংস্কাৰ আন্দোলনৰ অন্যতম যোদ্ধা।গল্প, নাটক, তত্বগধুৰ প্ৰবন্ধ-পাতি ৰচনা কৰি তেওঁ অসমীয়া সাহিত্যৰ ভৰাঁল চহকী কৰাত বিশেষ অৰিহণা যোগাইছিল।
'আৱাহন' অসম হিতৈষী' আদি কাকত-আলোচনীত গল্প, প্ৰবন্ধ, নাটক, জীৱনী আদি লিখি অসমীয়া সাহিত্যলৈ সেৱা আগবঢ়োৱা লক্ষ্মীধৰ শৰ্মাৰ দ্বাৰা ৰচিত গ্ৰন্থসমূহৰ ভিতৰত 'ব্যৰ্থতাৰ দান', 'অনাগতৰ অভিশাপ' (গল্প), নিৰ্মলা (নাটক), 'জীৱন স্মৃতি' (আত্মজীৱনীমূলক) আদি উল্লেখযোগ্য। প্ৰগতিশীল মনৰ গৰাকী লক্ষ্মীধৰ শৰ্মাই ১৯৩৪ চনত শ্বিলঙত মৃত্যু বৰণ কৰে।
চমু প্ৰশ্নৰ উত্তৰ দিয়াঃ
১/ "ধী-শক্তি" মানে কি ? (২০১৫)
উত্তৰঃ বুদ্ধি বা মেধা ক্ষমতা।
২/ 'মাধৱদেৱ' নামৰ প্ৰবন্ধটিৰ ৰচক কোন ?(For Paid User)
(সকলো পাঠৰ Paid উত্তৰবোৰ চাব পাৰিব)
Answered By Himashri kakati