নৃগোষ্ঠী বৰ্ণনাতত্ত্ব 

পঞ্চম অধ্যায় 

১. সাতভনী কাক বোলে  ।

উত্তৰঃ  উত্তৰ-পূব ভাৰতৰ সাতখন ৰাজ্যক একেলগে সাতভনী বুলি কোৱা হয় ।


২. আঠভনী কাক বোলে ।

উত্তৰঃ  এই সাতভনীৰ সৈতে আৰু একভনী লগহৈ পৰিল সেইকাৰণে তাকে আঠভনী বোলে ।


৩. আঠভনীৰ আঠখন ৰাজ্যৰ নাম লিখা ।

উত্তৰঃ  আঠভনীৰ আঠখন ৰাজ্যৰ নাম হল অসম, অৰুণাচল, মেঘালয়, মণিপূৰ, মিজোৰাম, ত্ৰিপুৰা, নাগালেণ্ড আৰু চিকিম ।


৪. গাৰোসকলৰ বাসভূমি কত আছিল ।

উত্তৰঃ  মেঘালয় ৰাজ্যৰ পশ্চিম অঞ্চল গাৰোসকলৰ বাসভূমি ।


৫. পাহাৰত বাস কৰা গাৰোসকলে নিজকে কি  বুলি চিনাকী দিছিল ।

উত্তৰঃ পাহাৰত বাস কৰা গাৰোসকলে নিজকে আচিক মান্দে বুলি চিনাকী দিছিল । 


৬. আচিক মান্দে শব্দৰ অৰ্থ কি ।

উত্তৰঃ  আচিক মান্দে শব্দৰ অৰ্থ হল পাহাৰৰ মানুহ ।


৭. গাৰোসকলে কি ঘৰত বাস কৰে ।

উত্তৰঃ  গাৰোসকলে চাং ঘৰত বাস কৰে ।


৮. চাঙৰ পৰা মূধৰ দূৰত্ব কিমান ।

উত্তৰঃ  চাঙৰ পৰা মূধৰ দূৰত্ব প্ৰায় ২.৭০ মিটাৰ । 


৯. ঘৰ সাজিবলৈ গাৰোসকলে কি কি সামগ্ৰী ব্যৱহাৰ কৰে ।

উত্তৰঃ    ঘৰ সাজিবলৈ গাৰোসকলে কাঠ, বাঁহ, খেৰ আদি  সামগ্ৰী ব্যৱহাৰ কৰে । 


১০.  নোখ্ৰা কাক বোলে ।

উত্তৰঃ  চাং দুখনৰ মাজৰ ঠাইখিনিক নোখ্ৰা বোলে ।


১১. গাৰোসকলৰ প্ৰস্বাৱ কৰা ঠাইডোখৰক কি বুলি কোৱা হয় ।

উত্তৰঃ  গাৰোসকলৰ প্ৰস্বাৱ কৰা ঠাইডোখৰক খালদিক বুলি কোৱা হয় । 


১২. আলেং কাক বোলে ।

উত্তৰঃ  কোনো কোনো ঘৰৰ চাল আৰু ঘৰৰ চাৰিবেৰৰ বাহিৰত মুকলি চাং থাকে । ইয়াকে আলেং বুলি কোৱা হয় ।


১৩. খ্ৰীষ্টান ধৰ্ম পালন নকৰা গাৰোসকলৰ আটাইতকৈ প্ৰয়োজনীয় কামটো কি আছিল 

উত্তৰঃ  খ্ৰীষ্টান ধৰ্ম গ্ৰহণ নকৰা গাৰোসকলৰ মাজত আটাইতকৈ প্ৰয়োজনীয় কামটো আছিল মদ প্ৰস্তুত কৰাৰ উদ্দেশ্য ব্যৱহাৰ কৰা নানা প্ৰকাৰৰ কলহ ।


১৪, পুৰণিকলীয়া গাৰো পুৰুষে কি পৰিধান কৰিছিল ।

উত্তৰঃ পুৰণিকলীয়া গাৰো পুৰুষে কেৱল কৌপিন পৰিধান কৰিছিল ।


১৫. কৌপিন কি ।

উত্তৰঃ  কৌপিন হৈছে নীলা ৰঙৰ দীঘলীয়া এডোখৰ কাপোৰ আৰু ইয়াত দীঘলে দীঘলে ৰঙ আচ থাকে

 ।

১৬. গাৰোভাষাত কৌপিনক কি বুলি কোৱা হয় ।

উত্তৰঃ  গাৰোভাষাত কৌপিনক গান্দো বুলি কোৱা হয় ।


 ১৭. পৰম্পৰাগত গাৰো নাৰীৰ সাজপাৰ কি ।

উত্তৰঃ  পৰম্পৰাগত গাৰো নাৰীৰ সাজপাৰ হল দুহাতমান দীঘল আৰু দুহাতমান বহল গামোচাৰ আকাৰৰ এখনি বস্ত্ৰ ।


১৮. গাৰোভাষাত এনে কাপোৰক কি বুলি কোৱা হয় ।

উত্তৰঃ  গাৰোভাষাত এনে কাপোৰক গানা ৰেখিং বুলি কোৱা হয় ।


১৯. গাৰো-পুৰুষ নাৰীৰ অলংকাৰসমূহৰ বিষয়ে চমুকৈ লিখা ।

উত্তৰঃ  গাৰো পুৰুষ -নাৰী উভয়েৰে অলংকাৰ বৰ প্ৰিয় আছিল । পুৰুষে ডিঙিত দীঘলীয়া মণিৰ মালা আৰু কাণত কেৰু পিন্ধিছিল । মহিলাসকলে কঁকালত কড়িৰ কেইবাডালো মালা লগলগাই পিন্ধিছিল । কড়িৰ এনেধৰণৰ মালাক চৌথি বোলে । তদুপৰি মহিলাসকলে কাণত ওলমি থকা এবিধ গহনা পিন্ধিছিল । ইয়াক নাফা টি বোলা হয় । গাৱঁৰ আঢ্যৱন্ত মানুহে কিলাকুটিৰ ওপৰত এবিধ ধাতুৰ খাৰু পিন্ধিছিল । এনে খাৰুক জাকচিল বোলে । ৰাইজক ভোজভাত খুৱাইহে তেওঁলোকে এনে খাৰু পিন্ধাৰ অধিকাৰ লাভ কৰিছিল । 


২০. গাৰোসকলৰ প্ৰধান আহাৰ কি ।

উত্তৰঃ  গাৰোসকলৰ প্ৰধান আহাৰ হল ভাত ।


২১. গাৰোসকলে ব্যৱহাৰ কৰা শাক-পাচলিবোৰ কি কি আছিল ।

উত্তৰঃ  গাৰোসকলে ব্যৱহাৰ কৰা শাক-পাচলিবোৰ আছিল লাও, কোমোৰা, বাঙি, লাইশাক, জলকীয়া, বেঙেনা, বাঁহৰ গাজ, কচু আদি ।


২২. গাৰোসকলৰ প্ৰিয় খাদ্য কি আছিল ।

উত্তৰঃ  গাৰোসকলৰ প্ৰিয় খাদ্য আছিল শিমলু আলু ।


২৩. গাৰোসকলে ৰাতিপূৱা আৰু পূৱাৰ ভাতসাজ কেতিয়া খায় ।

উত্তৰঃ  গাৰোসকলে ৰাতিপূৱাৰ ভাতসাজ দোকমোকালিতে খায় আৰু নিশাৰ খাজ সন্ধিয়াৰ লগে-লগে খায় । 


২৪. আমবোল থোক কি ।

উত্তৰঃ  আমবোল থোক হল খৰি কঢ়িয়াবলৈ ব্যৱহাৰ কৰা হোৰা ।


২৫. দিখা-বাণ্ডৰা মানে কি ।

উত্তৰঃ  দিখা বাণ্ডৰা মানে হল মদ তৈয়াৰ কৰা কলহ । 


২৬. লাওপানী কি ।

উত্তৰঃ  লাওপানী হল গাৰোসকলৰ এক মাত্ৰ পানীয় ।


২৭. গাৰোভাষাত লাওপানীক কি বুলি কোৱা হয় ।

উত্তৰঃ  গাৰোভাষাত লাওপানীক চু বুলি কোৱা হয় ।


২৮. চু কৰ পৰা তৈয়াৰ কৰা হয় ।

উত্তৰঃ  চু চাউলৰ পৰা তৈয়াৰ কৰা হয় ।


২৯. গাৰোসকলৰ জীৱিকাৰ প্ৰধান উপায় কি ।

উত্তৰঃ  গাৰোসকলৰ জীৱিকাৰ প্ৰধান উপায় হল কৃষি । 


৩০. ঝুম খেতিক গাৰোভাষাত কি বুলি কোৱা হয় । 

উত্তৰঃ  ঝুম খেতিক গাৰোভাষাত আৰংগা গামা আৰু আগাচাআ বুলি কোৱা হয় ।


৩১. গাৰোভাষাত দাখনক কি বুলি কোৱা হয় ।

উত্তৰঃ গাৰোভাষাত দাখনক আঠে মোংৰেং বুলি কোৱা হয় । 


৩২. ঝুম খেতিৰ প্ৰধান কাম কি ।

উত্তৰঃ  ঝুম খেতিৰ প্ৰধান কাম হল খেতিৰ বাবে একোটা অঞ্চল নিৰ্বাচন কৰা ।


৩৩. ঝুম খেতিৰ বিষয়ে চমুকৈ লিখা ।

উত্তৰঃ  সাধাৰণতে নৱেম্বৰ ডিচেম্বৰ মাহত গাঁৱৰ বাসিন্দাসকলৰ মাজত একোডোখৰ মাটি বিতৰণ কৰা হয় । প্ৰত্যোক পৰিয়ালে নিজ নিজ মাটিৰ হাবি-বন কাটি নিজৰ অধিকাৰ সাব্যস্ত কৰি থয় । এই প্ৰথাক ওফাতা বোলা হয় । মাটি ভাগ কৰাৰ পাছত গাঁৱলৈ আহি সকলো মানুহে একেলগে বহি চু খাই ৰং -ৰহইছ কৰে । ঝুম পথাৰৰ হাবি-বন কটা কাৰ্য ডিচেম্বৰ- জানুৱাৰী মাহৰ শেষৰ ভিতৰত শেষ কৰা হয় । তাৰ পিছত কাটি-থোৱা হাবি-বনবোৰ মাৰ্চ মাহলৈ শুকাবলৈ দিয়া হয় । বসন্তকালত বৰষুণ অহাৰ পূৰ্বেই গাঁৱৰ মানুহখিনি একেলগ হৈ এদিন গধুলি শুকাই থকা হাবি-বনত জুই লগাই দিয়ে । এনেদৰে জুই দিয়াৰ পাছত হাবি-বন পুৰি ছাই হৈ যায় । এই ছাইবোৰ ঝুম পথাৰত ছটিয়াই দিয়া হয় । তাৰ পাছত কণীধান, জলকীয়া, বেঙেনা, লাইশাক আদিৰ গুটি মিহলাই ঝুম পথাৰত সিঁচা হয় । কচুৰ পোখা, শিমলু আলুৰ গা-গছৰ অংশ আদি গিচিৰে সৰু সৰু গাঁত কৰি ৰোপণ কৰা হয় । ধান, গোমধান, ৰঙালাও পানীলাউ, কোমোৰা আদিৰ গুটি খনিত্ৰৰে সৰু সৰু গাঁত কৰি ৰোৱা হয় । 


৩৪. আজাকৰা-দাঙা বুলি কাক কোৱা হয় ।

উত্তৰঃ   মাৰ্চ মাহৰ শেষৰফালে বৰষুণ পৰাৰ লগে লগে বীজবোৰ অংকুৰিত হয় । শস্য পথাৰত প্ৰায়বোৰ অলাগতিয়াল হাবি-বনো গজি উঠে । এই অপতৃণবোৰ নিৰাই দিয়া হয় । েই কাৰ্যক আজাকৰা-দাঙা বুলি কোৱা হয় । 


৩৫. বামিল ৰাদা কাক বোলে ।

উত্তৰঃ  কিছুমান দিনৰ পাছত ঝুম পথাৰখন পুনৰ নিৰোৱা হয় । এই কাৰ্যক বামিল-ৰাডা বুলি কোৱা হয় ।


৩৬. আবাখাতা কাক বোলে ।

উত্তৰঃ  ঝুমখেতিৰ প্ৰধান শস্য কণীধান ছেপ্তেম্বৰ মাহত পকিবলৈ ধৰে । এই সময়ছোৱাত বনৰীয়া জীৱ-জন্তু আৰু চৰাইবোৰৰ পৰা শস্যবোৰ ৰক্ষা কৰিবলৈ বিশেষ সাৱধানতা অৱলম্বন কৰা হয় । গাঁৱৰ পৰা ঝুম পথাৰ দূৰৈত অৱস্থিত হলে শস্যৰ ৰক্ষণাবেক্ষণৰ বাবে গাৱৰ গোটেইখিনি মানুহে গাওঁ এৰি অস্থায়ীভাৱে বাহৰ পাতি থাকে ।  এই কাৰ্যক আবাখাতা বোলে । 


৩৭. আবা-জাযাদাল কাক বোলে ।

উত্তৰঃ  ঝুম পথাৰত বসবাসৰ বাবে অস্থায়ী ঘৰ সাজে । এনে অস্থায়ী ঘৰকে আবা-জাযাদাল বোলে ।


৩৮. প্ৰথম বছৰ ব্যৱহাৰ কৰা পথাৰক গাৰোভাষাত কি বুলি কোৱা হয় ।

উত্তৰঃ  প্ৰথম বছৰ ব্যৱহাৰ কৰা পথাৰক গাৰোভাষাত আদাল বুলি কোৱা হয় । 


৩৯. দ্বিতীয় বছৰৰ বাবে ব্যৱহাৰ কৰা পথাৰক কি বুলি কোৱা হয় ।

উত্তৰঃ  দ্বিতীয় বছৰৰ বাবে ব্যৱহাৰ কৰা পথাৰক আব্ৰেং বুলি কোৱা হয় ।


৪০. গাৰোসকলৰ দুটা প্ৰধান কৃষি উৎসৱৰ নাম লিখা ।

উত্তৰঃ  গাৰোসকলৰ দুটা প্ৰধান কৃষি উৎসৱৰ নাম হল 

ক) আগাল-মাকা ।

খ) ৰংচুগালা ।


৪১. আগাল-মাকাৰ বিষয়ে চমুকৈ লিখা ।

উত্তৰঃ  আগাল-মাকাই কৃষি বছৰৰ আৰম্ভণি সূচায় । এই উৎসৱৰ পিছৰে পৰা শস্য গুটি সিচাঁ হয় । ঝুম পথাৰত হাবি-বন জ্বলোৱাৰ পাছত পালন কৰা  উৎসৱটো হল আগাল-মাকা । ঝুম পথাৰত ৰাতি হাবি-বনত জুই দি ৰাতিপূৱা জুই নুমোৱাৰ পাছত গাৱলৈ উভতি আহি পালন কৰা উৎসৱটোৱেই হল আগাল-মাকা । এই উৎসৱত সকলো মানুহেই ফটিকা বা চু পান কৰে । আৰু ডেকা -গাভৰুসকলে ওৰে-নিশা নৃত্য-গীত কৰে । এই উৎসৱ দুদিন ধৰি পালন কৰা হয় । 


৪২. ৰংচুগালাৰ বিষয়ে চমুকৈ লিখা ।

উত্তৰঃ  ধান পকিবলৈ আৰম্ভ কৰাৰ লগে-লগে ৰংচুগালা উৎসৱ পালন কৰা হয় । ৰংচু মানে চিৰা । এই উৎসৱৰ অন্তৰ্নিহিত অৰ্থ হল পথাৰৰ পৰা শস্য নিজ ঘৰলৈ স্থানান্তৰিত কৰা । এই উৎসৱ পালন কৰাৰ পূৰ্বে নতুন শস্য খোৱা নিষেধ । ৰংচুগালা উৎসৱৰ সময়ত ধান ভালকৈ পুৰঠ নহয় । এই উৎসৱত গাৰোসকলে আধা পকা ধান ভাজি, চিৰা খুন্দি দেৱ-দেবীলৈ আগবঢ়াই খায় আৰু চু খাই নৃত্য-গীত কৰি ঝুম-পথাৰতে  ৰংচুগালা ফৎসৱ পালন কৰা হয় ।


৪৩. গাৰোসকলৰ প্ৰধান কৃষি উৎসৱটোৰ নাম কি ।

উত্তৰঃ  গাৰোসকলৰ প্ৰধান কৃষি উৎসৱটোৰ নাম হল ৱানগালা ।


৪৪. গাৰোসকলৰ কৃষি বৰ্ষৰ সামৰণি কেতিয়া হয় ।

উত্তৰঃ  ৱানগালা  উৎসৱ  শেষ হোৱাৰ লগে-লগে গাৰোসকলৰ কৃষি বৰ্ষৰ সামৰণি হয় ।


৪৫. মিছিং জনগোষ্ঠীৰ জীৱিকা-নিৰ্বাহৰ বিষয়ে লিখা ।

উত্তৰঃ  মিছিং লোকসকলৰ জীৱিকাৰ প্ৰধান উপায় হৈছে খেতি কৰা । তেওঁলোকে গৰু আৰু মহেৰে হাল-বাই খেতি কৰে । তেওঁলোকে আহু আৰু শালি দুয়োবিধ ধানৰ খেতি কৰে । তাৰোপৰি কপাহ, মিঠাআলু, তিয়হ, গোমধান, আদা, হালধি, কল আদিৰ খেতিও তেওঁলোকে কৰে । মতা মানুহে সাধাৰণতে হাল বাই মাটি চহায় আৰু তিৰোতাই ৰোৱা আৰু নিৰণ্ৰ কাম কৰে । লৰা-ছোৱালীবোৰেওঁ পথাৰলৈ যায় গৰু আৰু চৰাইৰ পৰা শস্যডৰাক ৰক্ষা কৰাৰ উদ্দেশ্যে ।


৪৬. মিছিংসকলৰ চিকাৰ আৰু মাছ-মৰা কাৰ্যৰ বিষয়ে লিখা ।

উত্তৰঃ  বনৰীয়া ঘাহনি আৰু পহু চিকাৰ মিছিংসকলৰ খুব প্ৰিয় । চিকাৰ কৰিবলৈ ব্যৱহাৰ কৰা প্ৰধান আহিলা হল বাৰুদ, ধনুকাঁড় আৰু যাঠি । গাঁৱৰ আটাইবোৰ পৰিয়ালৰ মাজত চিকাৰ কৰা জন্তুৰ মাংস ভাগ-বাটোৱাৰা কৰা হয় । যিজনে চিকাৰত কৃতকাৰ্যতা লাভ কৰে তেওঁ এটা অতিৰিক্ত মাংসৰ ভাগ হয় । চিকাৰৰ সময়ত তেওঁলোকে কিছুমান কাম কৰাত বাধা আছে । যেনে তিৰোতা মানুহে মূৰ ফণিয়াব নোৱাৰে, তাঁত ব'ব নোৱাৰে, আপং প্ৰস্তুত কৰিব নোৱাৰে । সাধাৰণতে খৰালি কালত মাছ মৰা কাৰ্য বেছিকৈ হয় । জুৰকি, চালনি, দিৰদাং, পোৰাং আৰু ডিবাং হৈছে মিছিংসকলৰ মাছ-মৰা সঁজুলি । ধনুকাঁড়ও মাছ-মৰা কাৰ্যত ব্যৱহাৰ কৰা হয় ।  


৪৭. মিছিংসকলৰ আহাৰ আৰুপানীয়ৰ বিষয়ে চমুকৈ লিখা ।

উত্তৰঃ  মিছিংসকলৰ প্ৰধান আহাৰ হল ভাত । ভাতৰ লগত তেওঁলোকে আলু,কচু, শাক-পাছলি আৰু মাছ-মাংস খায় । গাহৰি আৰু কুকুৰাৰ মাংস তেওঁলোকৰ প্ৰিয় খাদ্য । শুকান মাছো তেওঁলোকে ভক্ষণ কৰে । তেওঁলোকে ভাত দিনত দুবাৰ খায় । আপাং হৈছে মিছিংসকলৰ প্ৰিয় পানীয় । আপাং তেওঁলোকে চাহৰ বিকল্প হিচাপে ব্যৱহাৰ কৰে । প্ৰত্যেক পৰিয়ালেই আপাং তৈয়াৰ কৰে । সাধাৰণতে তিৰোতাসকলে আপাং তৈয়াৰ কৰে । মিচিংসকলে অতিথিসকলক আপাঙৰে  আপ্যায়িত কৰে । 


৪৮. মিছিং মহিলাসকলে পৰিধান কৰা দুযোৰ পোছাকৰ নাম লিখা ।

উত্তৰঃ  মিছিং মহিলাসকলে পৰিধান কৰা দুযোৰ পোছাকৰ নাম হল 

ক) এগে ।

খ) ৰিবি আৰু গাছেং ।


৪৯. মিছিং পুৰুষসকলে পৰিধান কৰা তিনিযোৰ পোছাকৰ নাম লিখা ।

উত্তৰঃ  মিছিং পুৰুষসকলে ব্যৱহাৰ কৰা তিনিযোৰ পোছাকৰ নাম হল 

ক) মিবুগালুক ।

খ) ডুমেৰ ।

গ) ইউগণ । 


৫০. আওসকলৰ প্ৰধান আহাৰ কি ।

উত্তৰঃ  আওসকলৰ প্ৰধান আহাৰ হল ভাত ।


৫১. আওনগাসকল কোন আছিল ।

উত্তৰঃ  আওনগাসকল নাগালেণ্ডত বাস কৰা বৃহৎ নগাগোষ্ঠীৰ অন্তৰ্গত এটা উল্লেখযোগ্য গোট । 


৫২. আওনগাসকলে কোন জিলাত বসবাস কৰে ।

উত্তৰঃ   আওনগাসকলে নাগালেণ্ডৰ মোককচাং জিলাত বাস কৰে । 


৫৩. নগা নামেৰে পৰিচিত সাংস্কৃতিক গোটবোৰৰ ভিতৰত কেইটামান উল্লেখযোগ্য গোটৰ নাম লিখা । 

উত্তৰঃ  নগা নামেৰে পৰিচিত সাংস্কৃতিক গোটবোৰৰ ভিতৰত কেইটামান উল্লেখযোগ্য গোটৰ নাম হল 

আও, আংগামী, চেমা, ৰেংখা, লোখা, কন্যাক, চাংতাম আৰু কোম । 


৫৪. আওসকলৰ প্ৰধান পানীয়বিধৰ নাম কি ।

উত্তৰঃ  আওসকলৰ প্ৰধান পানীয়বিধৰ নাম হল লাওপানী ।


৫৫. আওসকলৰ জীৱিকাৰ প্ৰধান উপায় কি ।

7উত্তৰঃ   আওসকলৰ জীৱিকাৰ প্ৰধান উপায় হল ঝুম খেতি । 


৫৬. আওসকলৰ ঝুম খেতিৰ প্ৰধান শস্যবিধৰ নাম কি ।

উত্তৰঃ  আওসকলৰ ঝুম খেতিৰ প্ৰধান শস্যবিধৰ নাম হল ধান ।


৫৭. আওসকলৰ সামাজিক সংগঠনৰ বিষয়ে লিখা ।

উত্তৰঃ  আও সমাজখন তিনিটা বিভিন্ন ঠালত বিভক্ত । এই ঠাল তিনিটা হল চোংলি, মোংচেন আৰু চাংকি । এই ঠাল তিনিটাক উপভাষাগত ঠাল বুলি কব পাৰি, কিয়নো প্ৰতিটো ঠালৰ নিজস্ব উপভাষা আছে ।  অৱশ্যে এটা ঠালৰ ভাষা আন এটা ঠালৰ লোকৰ বাবে দুৰ্বোধ্য নহয় । মোংচেন আৰু চাংকি ভাষাৰ মাজত বহু সাদৃশ্য দেখা যায় । সম্প্ৰীতি আওসকলে চোংলি ভাষাকে লিখিত ভাষাৰূপে গ্ৰহণ কৰিছে । য়াচাম আৰু লংলা নামৰ আওসকলৰ আন দুটা উপভাষা আছে । এই দুটা উপভাষাক চোংলি ভাষাৰ কথিত ৰূপ বুলি কব পাৰি । 


৫৮. আওসমাজ কি সমাজ আছিল ।

উত্তৰঃ  আওসমাজ পিতৃপ্ৰধান সমাজ আছিল ।


৫৯. আওসকলৰ আটাইতকৈ সৰু সামাজিক গোটটোৰ নাম কি ।

উত্তৰঃ  আওসকলৰ আটাইতকৈ সৰু সামাজিক গোটটোৰ নাম হল পৰিয়াল ।


৬০. আওসকলৰ পৰিয়ালৰ বিষয়ে চমুকৈ লিখা ।

উত্তৰঃ  পৰিয়াল হল আওসকলৰ আটাইতকৈ সৰু সামাজিক গোট । উল্লেখযোগ্য যে আওসমাজত প্ৰাথমিক বা নূন্যতম পৰিয়ালহে দেখা যায় । একান্নৱৰ্তী পৰিয়াল দেখা নাযায় । বিয়াৰ পাছতে আও ডেকা-গাভৰুৱে জন্ম পৰিয়াল পৰিত্যাগ কৰি আন ঠাইত বেলেগে ঘৰ সাজি এটা নতুন পৰিয়ালৰ সৃষ্টি কৰে । আওসকলৰ মাজত বহু পুৰুষ বা বহু নাৰী বিবাহৰ প্ৰচলন নাই । 

পৰিয়াল হৈছে এটা অৰ্থনৈতিক গোট । উৎপাদন আৰু বিতৰণৰ সকলো কাৰ্য মূলতঃ পৰিয়ালৰ জৰিয়তে সম্পাদন কৰা হয় । স্বামী-স্ত্ৰীয়ে ইজনে-সিজনক নাম কাঢ়ি মাতে । বয়সত ডাঙৰসকলক বিভিন্ন সম্বন্ধ ধৰিহে মতা হয়, সৰুৱে ডাঙৰক নাম কাঢ়ি মতাটো নিষিদ্ধ । পৰিয়ালৰ ভিতৰত কম বয়সীয়ালোকে বয়স্কজনৰ লগত দন-হাই কৰাটো কেৱল যে পৰিয়ালটোৰ কাৰণে অমংগলীয়া তেনে নহয়, গোটেই গাঁওখনৰ বাবে অসন্মানজনক আৰু অমংগলৰ কাৰণ হিচাপে গণ্য কৰা হয় । 


৬১. আওসকলৰ তিনিটা নিজস্ব গোটৰ নাম লিখা ।

উত্তৰঃ আওসকলৰ তিনিটা নিজস্ব গোত্ৰৰ নাম হল 

ক) চোংলি ।

খ) মোংচেন ।

গ) চাংকি ।


৬২. চোংলি ঠালৰ কেইটা গোত্ৰ আছে আৰু এই গোত্ৰসমূহক কেইটা ভাগত ভাগ কৰা হৈছে আৰু কি কি 

উত্তৰ চোংলি ঠালৰ ৩৮ টা গোত্ৰ আছে এই গোত্ৰসমূহক তিনিটা ভাগত ভাগ কৰিব পাৰি যেনে 

ক) পোঙেন ।

খ) লুংকাম ।

গ) চামি ।


৬৩. মোংচেন ঠালৰ কেইটা গোত্ৰ আছে ।

উত্তৰঃ মোংচেন ঠালৰ ২৬ টা গোত্ৰ আছে । 


৬৪. চাংকিসকলৰ গোত্ৰ কেইটা ।

উত্তৰঃ  চাংকিসকলৰ গোত্ৰ ৪টা ।


৬৫. পুৰুষে নিজ গোত্ৰৰ পুৰুষক কি বুলি কয় ।

উত্তৰঃ  পুৰুষে নিজ গোত্ৰৰ পুৰুষক কিদং বুলি কয় ।


৬৬. নাৰীয়ে নিজ গোত্ৰৰ নাৰীক কি বুলি কয় ।

উত্তৰঃ নাৰীয়ে নিজ গোত্ৰৰ নাৰীক ইলাংচু বুলি কয় ।


৬৭. আও ভাষাত মোৰাং ঘৰক কি কি বুলি কোৱা হয় । 

উত্তৰঃ  আও ভাষাত মোৰাং ঘৰক আৰিচু বুলি কোৱা হয় ।


 ৬৮. আওসকলৰ মোৰাং সংগঠনৰ বিষয়ে লিখা ।

উত্তৰঃ  আও গাঁৱৰ আটাইতকৈ চকুত লগা বস্তুটো হল মোৰাং ঘৰ । গাওঁ একোখনৰ প্ৰৱেশ পথৰ সীমাতে সুদৃশ্য মোৰাং ঘৰটো নিৰ্মাণ কৰা হয় । আও ভাষাত মোৰাং ঘৰক আৰিচু বুলি কোৱা হয় । মোৰাংঘৰ হল এটা বিৰাটকায় চাং ঘৰ । গাঁৱৰ ডেকাসকলে নিশা মোৰাংঘৰত থাকে আৰু গাঁওখন বহিঃশত্ৰুৰ পৰা ৰক্ষা কৰে । মোৰাংঘৰ ডেকাসকলৰ অৱসৰ-বিনোদনৰো কেন্দ্ৰ । ইয়াত তিৰোতা মানুহৰ প্ৰৱেশ নিষেধ । 

মোৰাং ঘৰৰ চালখন দূৰৰ পৰা পিৰামিডৰ দৰে দেখি । মোৰাংঘৰত কোনো খিৰিকী নাথাকে । আগফালে আৰু পাছফালে দুখন সৰু সৰু দুৱাৰ থাকে । মোৰাঙৰ প্ৰধান খুটাটোত সাধাৰণতে বিভিন্ন পশু-পক্ষী আৰু মানুহৰ প্ৰতিকৃতি খোদিত কৰা হয় । মোৰাঙত দুখন জুহাল থাকে, এখন আগদুৱাৰৰ ওচৰত আৰু আনখন পাছ দুৱাৰৰ কাষত । সন্মুখৰ জুহালখন মোৰাঙৰ বয়স্ক সদস্যসকলৰ বাবে আৰু পাছফালৰ জুহালখন সৰু সৰু লৰা বিলাকৰ বাবে । মোৰাংঘৰৰ এটা অন্যতম সম্পদ হল প্ৰকাণ্ড গছ এজোপাৰ ভিতৰ ফালে খুলি তৈয়াৰ কৰা বিৰাট নাও আকৃতিৰ কাঠ । ইয়াক চোংকোং বা টংটেন বোলে । ইয়াক ঢোল বা নাগৰাৰ দৰে ব্যৱহাৰ কৰা হয় । গোটেই টংটেনটো কাঠৰ ওপৰত ৰখা হয়, যাতে ফোপোলা কাঠৰ শব্দ ভালকৈ ওলায় । সুৰুঙাটো ওপৰফালে থাকে । বিশেষ ধৰণৰ কাঠৰ মাৰিৰে এই বাদ্যবিধ বজোৱা হয় । 


৬৯. মোৰাংঙৰ বিষয়ে চমুকৈ লিখা ।

উত্তৰঃ  মোৰাং সম্পূৰ্ণৰূপে এটা স্বায়িত শাসিত গোট । ই গাওঁ শাসন ব্যৱস্থাৰ এটা অবিচ্ছেদ্য অংগ । আওসকলৰ মাজত কোনো ৰজা বা মুখিয়াল নাই । তথাপি গাঁৱৰ শাসন-ব্যৱস্থা কোনো আউল নলগাকৈ চলি থাকে । এই শাসন ব্যৱস্থা সম্পূৰ্ণৰূপে গণতান্ত্ৰিক । প্ৰত্যেকজন আও পুৰুষেই এটা বিশেষ সমন্বয়ৰ বাবে গাওঁ শাসনৰ দায়িত্ব গ্ৰহণ কৰিব লাগে । গাওঁ পৰিচালনা সমিতিৰ দায়িত্বত থকা লোকৰ মোৰাঙৰ প্ৰশাসনত কোনো অধিকাৰ নাথাকে । মুঠ ২০ জন সদস্যৰে মোৰাং পৰিচালনা সমিতিখন গঠন কৰা হয় । এই সদস্যসমূহ হল 

ক) মুখিয়াল  ( উংৰ ) ১জন ।

খ) মুখিয়ালৰ সহায়ক ( টোংলু) ১জন ।

গ) উপদেষ্টা ( তাতৰ) ১৪ জন ।

ঘ) মোৰাং ঘৰ মেৰামতিৰ কাম চাওতা ( টিয়াৰ ) ২জন ।

ঙ) মোৰাঙৰ অতিথিক সোধ-পোছ কৰোতা ( য়িবুটিৰ) ২ জন ।

মোৰাঙৰ জেষ্ঠ ডেকাসকলৰ ভিতৰ পৰা ২০ জন সদস্যৰ দ্বাৰা এই সমিতিখন গঠন কৰা হয় । মোৰাঙৰ ডেকাসকলৰ মাজত হোৱা হাই-কাজিয়া এই সমিতিয়েই মীমাংসা কৰে আৰু দোষী সাব্যস্ত হোৱা ডেকাৰ পৰা জৰিমনা হিচাপে গাহৰি আদায় কৰি সেই গাহৰি ৰান্ধি ভোজ-ভাত খায় । 


৭০. মোৰাঙৰ স্তৰ কেইটা আৰু কি কি ।

উত্তৰঃ  মোৰাঙৰ স্তৰ চাৰিটা যেনে 

ক) নোজাবৰিহৰি ( অপৰিপক্ক দল ) ।

খ) টুকাপবাহৰি ( পৰিপক্কা দল ) ।

গ) চুচেনবাহৰি ( মোৰাং নায়কৰ দল ) 

)) চামিছাৰিহোৰি ( গাহৰিৰ ঠেং খোৱা দল ) ।


৭১. আওসকলৰ গাও পৰিচালনা সমিতিৰ বিষয়ে চমুকৈ লিখা ।

উত্তৰঃ  আওসকলৰ মাজত গাও পৰিচালনাৰ বাবে এখন সমিতি আছে । প্ৰকৃততে গাওঁ পৰিচালনা সমিতিৰ আৰ্হিতহে মোৰাং পৰিচালনা সমিতিখন গঠিত হয় । এই সমিতিৰক কাৰ্যকাল এটা নিৰ্দিষ্ট সময়ৰ পাছত সমাপ্ত হয় । কাৰ্যকাল উকলি যোৱাৰ পাছত সমিতিৰ সদস্যসকলক লৈ দলৰ বয়সৰ গোটটোৰ পৰা নতুন এখন সমিতি গঠন কৰা হয় । আওসকলৰক বিভিন্ন ঠালৰ মাজত গাও পৰিচালনা সমিতিৰ কাৰ্যকালৰ কিছু তাৰতম্য পৰিলক্ষিত হয় । অঞ্চল বিশেষে গাও পৰিচালনা সমিতি সৰু সৰু ভাগত বিভক্ত হৈ পৰা দেখা যায় । গাওঁ পৰিচালনা সমিতিৰ এনেকোৱা ভাগক মিন্দেন বা তাতাৰ মিন্দেন বোলা হয় । গাঁৱৰ সমূহীয়া কামত গাহৰি কাটিলে মিন্দেন সদস্যসকলে নিজৰ প্ৰস্থিতি অনুসৰি গাহৰিৰ ভাগ পায় । 


৭২. আওসকলৰ বিবাদ নিস্পত্তিৰ বিষয়ে লিখা ।

উত্তৰঃ  গাও একোখনৰ বা দুখন গাৱৰ মাজত সৃষ্টি হোৱা হাই-কাজিয়া মিন্দেনৰ জৰিয়তে মীমাংসা কৰা হয় । অপৰাধীক জৰিমনা ভৰোৱা হয় । সাধাৰণ অপৰাধৰ শাস্তি হিচাপে গৰু নাইবা গাহৰি এটা দোষীৰ পৰা জৰিমণা হিচাপে আদায় কৰা হয় । জৰিমণা হিচাপে লাভ কৰা এই গৰু বা গাহৰি মিন্দেনৰ সদস্যসকলে ভাগ কৰি খায় । বাৰে বাৰে চুৰ কৰি ধৰা পৰা লোকক গাহৰিৰ দৰে হাতে-ভৰিয়ে বান্ধি কাইটৰ ওপৰত পেলাই দিয়া হয় । ইয়াৰ পাছতো যদি সি আকৌ চুৰ কৰি ধৰা পৰে , তেনেহলে গাঁৱৰ পৰা খেদি দিয়া হয় । উল্লেখযোগ্য সৰু লৰা-ছোৱালীক কোনো দোষৰ বাবে দোষী সাব্যস্ত কৰা নহয় । এইদৰে মিন্দেনৰ সদস্যসকল একগোট হৈ দুজনৰ মাজত হোৱা বিবাদ-নিস্পত্তি কৰে । 


৩. আপাটানি লোকসকল কোন প্ৰজাতিৰ লোক আছিল ।

উত্তৰঃ  আপাটানি লোকসকল মংগোলীয় প্ৰজাতিৰ লোক আছিল । 


৭৪. আপাটানি লোকসকলে কত বসবাস কৰে ।

উত্তৰঃ  আপাটানি লোকসকলে অৰুণাচল প্ৰদেশৰ সোঁৱণশিৰি জিলাৰ কেলে নৈৰ উপত্যকা অঞ্চলত বসবাস কৰে ।


৭৫. কেলে নৈৰ উচ্চতা সমুদ্ৰপৃষ্ঠৰ পৰা কিমান ফুট ।

উত্তৰঃ  কেলে নৈৰ উচ্চতা সমুদ্ৰপৃষ্ঠৰ পৰা প্ৰায় ৫০০০ ফুট ।


৭৬. আপাটানিসকলৰ দুটা আৱয়ৱিক লক্ষণ লিখা ।

উত্তৰঃ  আপাটানিসকলৰ দুটা আৱয়ৱিক লক্ষণ হল 

ক) দীঘলীয়া মুখমণ্ডল ।

খ) গাঁতত সোমোৱা চকু । 


৭৭. আপাটানি লোকসকলৰ জীৱিকাৰ প্ৰধান উপায় কি ।

উত্তৰঃ  আপাটানি লোকসকলৰ জীৱিকাৰ প্ৰধান উপায় হল খেতি ।


৭৮. আপাটানিসকলৰ প্ৰিয় খাদ্য কি ।

উত্তৰঃ  আপাটানিসকলৰ প্ৰিয় খাদ্য হল কুকুৰাৰ মাংস আৰু কণী । 


৭৯. আপাটানিসকলে বিনিময়ৰ মাধ্যম হিচাপে কি জন্তু ব্যৱহাৰ কৰে ।

উত্তৰঃ আপাটানিসকলে বিনিময়ৰ মাধ্যম হিচাপে মেঠোন ব্যৱহাৰ কৰে । 


৮০. আপাটানিসকলে অলৌকিক শক্তিক কি বুলি কয় ।

উত্তৰঃ  আপাটানিসকলে অলৌকিক শক্তিক উই বুলি কয় ।


৮১. কিলো আৰু কিৰো কোন আছিল ।

উত্তৰঃ  কিলো আৰু কিৰে হৈছে এহাল দেৱ-দেৱী । 


৮২. আপাটানি লোকসকলৰ সামাজিক সংগঠনৰ বিষয়ে লিখা ।

উত্তৰঃ  আপাটানি উপত্যকাটো সাতখন গাৱৰ সমষ্টি । এই গাওকেইখন হল হাং, হাৰি, বেলা, হাজা, দুতা, মুদাং-তাগে আৰু মিচি-বামিন । আপাটানি লোকসকলে গাওঁ একোখনক লেম্বা বোলে । একোখন গাৱত একাধিক গোত্ৰৰ লোকে বাস কৰিব পাৰে । এই সাতখন গাৱৰ অধিবাসীসকলৰ মাজত এটা সাংস্কৃতিক ঐক্য পৰিলক্ষিত হয় । গাণৱৰ অধিবাসীসকলৰ কিছুমান সমূহীয়া ধৰ্মীয় তথা সামাজিক অনুষ্ঠান আছে । এই অনুষ্ঠানবোৰত সাতথন গাৱৰ ৰাইজে একোটা সামাজিক সাংস্কৃতিক গোটহিচাপে কাম কৰে । 


৮৩. আপাটানি লোকসকলৰ গোত্ৰ ব্যৱস্থাৰ বিষয়ে লিখা ।

উত্তৰঃ  আপাটানি সমাজত গোত্ৰ ব্যৱস্থা আছে । তেওঁলোকে গোত্ৰক হালু বোলে । আপাটানি গোত্ৰবোৰ পিতৃসূত্ৰী আৰু বৰ্হিবৈবাহিক জাৰজ সন্তান আৰু মাকৰ গোত্ৰৰ মানুহৰ ঘৰত প্ৰতিপালিত অনাথ শিশুৱে মাতৃৰ গোত্ৰ লয় । একে গোত্ৰৰ লোকসকলৰ মাজত বিশেষ মিলা-প্ৰীতি দেখা যায় । আপাটানি লোকসকলৰ মাজত বহুতো গোত্ৰ আছে । এই গোত্ৰসমূহ দুটা গোত্ৰ-সমষ্টিত বিভক্ত । যেনে মিটে আৰু মুৰা । মিটে উচ্চস্তৰৰ আৰু মুৰা নীচ স্তৰৰ । মিটে স্তৰৰ গৰাকীৰ তলত কামকৰা দাস সকলো মুৰা স্তৰতহে অন্তভূৰ্ক্তি লাভ কৰে । 


৮৪. নাগো কাক বোলে ।

উত্তৰঃ গাঁৱৰ মাজত কিছুমান গোত্ৰৰ ধৰ্মীয় অনুষ্ঠান আদিৰ বাবে একোটা আছুতীয়া ঘৰ থাকে তাকে বা সেই ঘৰটোকে নাগো বোলে । 


৮৫. আপাটানিসকলৰ গাওঁ শাসন ব্যৱস্থাৰ বিষয়ে লিখা ।

উত্তৰঃ আপাটানি গাঁৱৰ শাসন ব্যৱস্থা গোত্ৰৰ প্ৰতিনিধিসকলৰ দ্ধাৰা পৰিচালিত হয় । এনে প্ৰতিনিধিসকলক বুলিয়াং বোলা হয় । বুলিয়াং মনোনয়নৰ  ক্ষেত্ৰত কোনো বিশেষ নিয়ম নাই । বুলিয়াং তিনি প্ৰকাৰৰ 

ক) আখা বুলিয়াং ঃ বয়োবৃদ্ধ বুলিয়াংসকলক আখা বুলিয়াং বোলা হয় । গাওঁ শাসনৰ সকলো গুৰুত্বপূৰ্ণ বিষয় আখা বুলিয়াংসকলৰ পৰামৰ্শ অনুসৰিহে স্থিৰ কৰা হয় । 

খ) য়াপা বুলিয়াং ঃ আদবয়সীয়া বুলিয়াংসকলক য়াপা বুলিয়াং বোলা হয় । গাওঁ পৰিচালনাৰ প্ৰাত্যাহিক কাম, বিচাৰ আদিৰ ভাৰ এওঁলোকৰ হাতত ন্যস্ত থাকে ।

গ) আজাং বুলিয়াং ঃ কম বয়সীয়া বুলিয়াংসকলক আজাং বুলিয়াং বোলে । য়াপা বুলিয়াংসকলক সকলো কামতে সহায় কৰাই হল এওঁলোকৰ প্ৰধান দায়িত্ব । গাঁৱৰ মেল বা সভা-সমিতিত আজাং বুলিয়াংসকলে ডেকাসকলক প্ৰতিনিধিত্ব কৰে । সাধাৰণতে এজন আখা বুলিয়াংৰ মৃত্যুত তেওঁৰ গোত্ৰৰে এজন য়াপা বুলিয়াং আখা বুলিয়াংঙলৈ উন্নীত হয় । বুলিয়াংসকলে কোনো পাৰিশ্ৰমিক লাভ নকৰে । অৱশ্যে সমজুৱা ভোজভাতৰ সময়ত বুলিয়াংসকলক বিশেষভাৱে লাওপানী আৰু মঙহ আদিৰে আপ্যায়ন কৰা হয় । আপাটানি গাঁৱসমূহৰ মাজত এক বিশেষ পাৰস্পৰিক ধৰ্মীয় সম্বন্ধ বিৰাজমান । স্নকৰ সময়ত যিখন গাঁৱত সেই উৎসৱ পালন কৰা হয়, সেই গাঁৱৰ বুলিয়াংসকলে আন গাঁৱৰ বুলিয়াংসকলৰ পৰা উপহাৰ লাভ কৰে । 


৮৬. বুলিয়াং কেইপ্ৰকাৰৰ আৰু কি কি ।

উত্তৰঃ  বুলিয়াং তিনি প্ৰকাৰৰ যেনে 

ক) আখা বুলিয়াং ।

খ) য়াপা বুলিয়াং ।

গ) আজাং বুলিয়াং । 


Author_ Ali rani Kakati ( Ba in History Major )